وزیراعظم نواز شریف عمرے کی ادائیگی کیلئے سعودی عرب پہنچ گئے

اسلام آباد: وزیراعظم نوازشریف عمرہ کی ادائیگی کے لیے اہلخانہ کے ہمراہ سعودی عرب پہنچ گئے ہیں۔ وزیراعظم نوازشریف اپنے اہل خانہ کے ہمراہ عمرہ کی ادائیگی کے لیے نجی دورے پر سعودی عرب پہنچے جہاں جدہ ایئرپورٹ پر وزیراعظم کا استقبال مکہ کے ڈپٹی گورنر شہزادہ عبد اللہ نے کیا،وزیراعظم نواز شریف رمضان المبارک کے آخری عشرے میں عمرہ ادا کریں گے اور روضہ رسولﷺ پر حاضری دیں گے۔

وزیراعظم عیدالفطر کے بعد اپنے نواسے جنید صفدر کی گریجویشن تقریب میں شرکت کے لیے لندن روانہ ہو جائیں گے۔ 27 جون کو جنید صفدر کی گریجویشن کی تقریب میں شرکت کے بعد وطن واپس آئیں گے۔ میڈیا رپورٹس کے مطابق ڈاکٹروں نے وزیراعظم نواز شریف کو باقاعدہ چیک اپ کرانے کا مشورہ دے رکھا ہے لیکن مصروفیات کے باعث وہ چیک اپ نہیں کراسکے تھے تاہم اس بار وزیراعظم لندن میں 4 سے 5 روز قیام کر کے اپنا چیک اپ بھی کروائیں گے۔

یہ بھی پڑھیں

پیٹرولیم ڈویژن نے گیس کی قیمتوں میں اضافے کی سمری تیار کرلی

پیٹرولیم ڈویژن نے گیس کی قیمتوں میں اضافے کی سمری تیار کرلی

اسلام آباد: ماہانہ 50 مکعب میٹر گیس استعمال پر فی یونٹ نرخ 63 روپے سے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے