جوڈیشل اکیڈمی کے اطراف وزیراعظم کی حمایت میں بینرز آویزاں

اسلام آباد: جے آئی ٹی میں پیشی سے قبل ہی وفاقی دارالحکومت کے ریڈ زون اورجوڈیشل اکیڈمی کے اطراف میں وزیر اعظم نواز شریف کی حمایت میں بینرز آویزاں کردیئے گئے ہیں۔ تفصیلات کے مطابق وزیراعظم نوازشریف جمعرات کو پاناما جے آئی ٹی کے روبرو پیش ہوں گے لیکن اس سے قبل ہی مسلم لیگ (ن) کے رہنما فعال ہوگئے ہیں، اسلام آباد کے ریڈ زون اورخاص طورپروفاقی جوڈیشل اکیڈمی کے اطراف وزیراعظم نوازشریف کی حمایت میں بینر آویزاں کئے گئے ہیں۔ بینرزمیں وزیراعظم نوازشریف کے علاوہ مریم نوازاورشہباز شریف کی تصاویربھی ہیں جب کہ ان پر’’قدم بڑھاؤ نواز شریف ہم تمہارے ساتھ ہیں‘‘ درج ہے۔

دوسری جانب سی ڈی اے نے جوڈیشل اکیڈمی کی مرکزی اوراطراف کی سڑکوں کی مرمت کا کام بھی انتہائی تیزی سے مکمل کرلیا ہے اورمرمتی کام کا جائزہ خصوصی طورپرحنیف عباسی اور میئر اسلام آباد انصرعزیز نے لیا۔واضح رہے کہ پاناما پیپرز کی تحقیقات کرنے والی جے آئی ٹی نے جمعرات کو وزیر اعظم کو طلب کررکھا ہے جب کہ ان کے بڑے صاحبزادے حسین نواز 5 مرتبہ اور چھوٹے صاحبزادے حسن نواز 2 مرتبہ پیش ہوچکے ہیں۔

یہ بھی پڑھیں

مقبوضہ وادی میں مسلمانوں کے قتل عام کیلیے آرایس ایس کےغنڈے بھیجےجارہے ہیں،وزیراعظم

مقبوضہ وادی میں مسلمانوں کے قتل عام کیلیے آرایس ایس کےغنڈے بھیجےجارہے ہیں،وزیراعظم

اسلام آباد: وزیراعظم عمران خان نے مقبوضہ کشمیر کی صورتحال پر دنیا کو خبردار کرتے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے