چیمپئنز ٹرافی میں پاکستان کی جیت کا جشن منانے پر بھارتی فوج کشمیریوں پر ٹوٹ پڑی

سری نگر: مقبوضہ کشمیر میں نہتے کشمیریوں کی جانب سے چیمپئنز ٹرافی میں پاکستان کی جیت کا جشن منانے پر بھارتی فوج آپے سے باہر ہوگئی اور تشدد کرکے متعدد افراد کو زخمی کردیا۔کشمیر میڈیا سروس کے مطابق چیمپئنز ٹرافی میں سری لنکا کے خلاف پاکستان کی فتح پر مقبوضہ کشمیر میں  نوجوان جشن منانے کیلئے سڑکوں پر نکل آئے اور بھرپور مسرت کا اظہار کیا۔ انہوں نے پٹاخے پھاڑے اور نعرے بازی بھی کی اس دوران قابض فوج سے کشمیریوں کی خوشی برداشت نہ ہوئی اور اہلکاروں نے لاٹھی چارج کرکے متعدد افراد کو زخمی کردیا۔بھارتی اہلکاروں نے اسی پر بس نہ کیا بلکہ ضلع شوپیاں میں گھروں میں گھس کر توڑ پھوڑ کی اور دکانوں سے قیمتی سامان بھی لوٹ لیا۔ قابض فوج کے ریاستی مظالم کے خلاف وادی کے مختلف شہروں میں احتجاج بھی کیا گیا۔

یہ بھی پڑھیں

صدر آزاد کشمیر کا بھارت کے خلاف سلامتی کونسل میں جانے کا اعلان

صدر آزاد کشمیر کا بھارت کے خلاف سلامتی کونسل میں جانے کا اعلان

مظفرآباد: صدر آزاد کشمیر سردار مسعود خان نے مقبوضہ کشمیر میں بھارتی اقدامات کے خلاف …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے