جس کام میں شہبازشریف ہوتے ہیں ہمیں ہر لحاظ سے اطمینان اور اعتماد ہوتا ہے، صدر ایگزم بینک چائنہ

لاہور:  صدر ایگزم بینک آف چائنہ لیولیانگ نے بیجنگ میں وزیراعلیٰ پنجاب محمد شہباز شریف سے ملاقات کے دوران پنجاب کی تیز رفتار ترقی اور عوام کی خوشحالی کے حوالے سے ان کی شاندار کارکردگی کو سراہا۔ وزیراعلیٰ نے صدر ایگزم بینک کو پنجاب میں جاری ترقیاتی منصوبوں خصوصاً توانائی اور انفراسٹرکچر کے منصوبوں پر ہونے والی پیشرفت کے بارے میں تصاویر پر مشتمل البم پیش کی۔ ایگزم بینک کے صدر نے پنجاب میں منصوبوں پر ہونے والی پیشرفت اور وزراعلیٰ پنجاب شہباز شریف کی کارکردگی کی تعریف کی۔
صدر ایگزم بیک نے شہباز شریف سے گفتگو کرتے ہوئے کہا کہ پنجاب حکومت معیار، رفتار اور شفافیت کے اعتبار سے چین کے مالیاتی اداروں کے اعتماد پر پورا اتری ہے اور جس کام میں وزیراعلیٰ پنجاب محمد شہباز شریف ہوتے ہیں ہمیں ہر لحاظ سے اطمینان اور اعتماد ہوتا ہے کیونکہ شہباز شریف وقت پر کام مکمل کرتے ہیں اور یہ انہوں نے اپنے عمل سے ثابت بھی کیا ہے۔

یہ بھی پڑھیں

وفاقی و صوبائی حکومت اور محکمہ انسداد دہشت گردی (سی ٹی ڈی) کو نوٹس جاری

وفاقی و صوبائی حکومت اور محکمہ انسداد دہشت گردی (سی ٹی ڈی) کو نوٹس جاری

لاہور: عدالت عالیہ میں جسٹس شہرام سرور اور جسٹس وحید خان پر مشتمل بینچ نے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے