26نومبر سے 24دسمبر تک پاکستان کے تمام تعلیمی ادارے بند کرنے کااعلان

26نومبر سے 24دسمبر تک پاکستان کے تمام تعلیمی ادارے بند کرنے کااعلان

اسلام آباد: بین الصوبائی وزرائےتعلیم کااجلاس کے بعد وفاقی وزیر تعلیم شفقت محمود اور معاون خصوصی برائے صحت ڈاکٹر فیصل نے مشترکہ پریس کانفرنس کی

وفاقی وزیر تعلیم شفقت محمود نے کہا کہ ایسے اقدامات کرناپڑیں گے جس سے بیماری کا پھیلاؤ روکا جاسکے، 26نومبر سے پاکستان کے تمام تعلیمی ادارےبند کرنے کافیصلہ ہواہے، بچے گھر سے بیٹھ کر اپنی تعلیم کو جاری رکھیں گے ، آن لائن اور ہوم ورک کےذریعے بچوں کو پڑھایا جائے گا، بچوں کے آن لائن اور ہوم ورک سےمتعلق فیصلہ صوبائی حکومتیں فیصلہ کریں گی۔
شفقت محمود کا کہنا تھا کہ 26 نومبر سے 24دسمبر تک پاکستان کے تمام تعلیمی ادارے بند رہیں گے جبکہ 25دسمبر سے 10جنوری تک بچوں کی موسم سرما کی تعطیلات ہوں گی، امید کرتے ہیں حالات بہتر ہونے پر 11 جنوری کو تعلیمی ادارے کھولے جائیں گے، جنوری کے پہلے ہفتے میں صورتحال کا جائزہ لیا جائے گا۔
وفاقی وزیر نے دسمبر میں ہونے والے تمام امتحانات15جنوری تک ملتوی کرنے کا اعلان کرتے ہوئے کہا تعلیمی اداروں کے انٹری ٹیسٹ معمول کے مطابق ہوں گے جبکہ مئی،جون میں بورڈ امتحانات لینے کی کوشش کریں گے۔
یونیورسٹی کے ہاسٹل میں طلبہ کاایک تہائی حصہ رہےگا، ہرممکن کوشش کی جائے گی کہ پڑھائی کاسلسلہ گھروں سےجاری رہے۔
معاون خصوصی ڈاکٹر فیصل نے کہا اس موقع پر اہم فیصلے نہ کئے تو بیماری کےپھیلاؤکا خدشہ ہے، کورونا کےکیسز بڑھے تو اسپتالوں پر دباؤ بڑھ سکتاہے، این سی اوسی میں وبا کی نوعیت پر بات ہوئی۔

یہ بھی پڑھیں

صدر مملکت نے چاروں گورنر اورعلماء کی ویڈیو کانفر نس آج

صدر مملکت نے چاروں گورنر اورعلماء کی ویڈیو کانفر نس آج

اسلام آباد: حکومت نے مساجد کیلئے ایس اوپیز کا از سرنو جائزہ لینے کا فیصلہ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے