یوٹیلیٹی اسٹورز پر اشیائے خوردونوش کی قیمتوں میں اضافے کا رجحان تاحال برقرار

اسلام آباد: انتظامیہ اسٹورز سے سبسڈائزڈ اشیا کی بلیک میں فروخت رکوانے میں ناکام نظر آرہی ہے انتظامی نااہلی اور آپس کے اختلافات سے ادارے کی کارکردگی بھی شدید متاثر ہوئی

یوٹیلیٹی اسٹورز پر اشیا مہنگے داموں فروخت ہورہی ہیں، جبکہ اسٹورز پر سبسڈائزڈ ریٹس پر ملنے والی اشیادستیاب ہی نہیں ہیں۔ ملک بھر کے یوٹیلیٹی اسٹورز میں آٹا، دالیں، چاول، چینی اور گھی موجود نہیں، انتظامی نااہلی سے عوام کو سبسڈائزڈاشیا کی فراہمی میں مشکلات کا سامنا ہے۔
امکان ظاہر کیا ہے کہ درآمدی چینی آئندہ چند روز میں یوٹیلیٹی سٹورز کو فراہم کی جائے گی۔
یہ بھی بتایا ہے کہ درآمدی چینی کی آمد سے صارفین کو فراہمی کا عمل بہتر ہوجائے گا، صارفین کو آٹے اور گھی کی خریداری میں بدستور مشکلات کا سامنا ہے۔