معروف آسٹریلوی نژاد امریکی گلوکارہ ہیلن ریڈی 70 سال کی عمر میں چل بسیں

معروف آسٹریلوی نژاد امریکی گلوکارہ ہیلن ریڈی 70 سال کی عمر میں چل بسیں

امریکا: ہیلن ریڈی نے اگرچہ ڈیڑھ درجن کے قریب میوزک ایلبم ریلیز کیے، تاہم ان کا سب سے مقبول ایلبم ‘میں عورت ہوں’ ہی ہوا، جسے 1972 میں ریلیز کیا گیا تھا

ہیلن ریڈی نوجوانی میں ہی آسٹریلیا سے امریکا منتقل ہوئی تھیں، جس وقت وہ امریکا پہنچی تھیں، ان کے پاس صرف ڈھائی سو ڈالر تھے اور امریکا میں گزارے گئے ابتدائی سالوں میں انہیں سخت محنت کرنی پڑی۔
ہیلن ریڈی نے امریکا منتقل ہوتے ہی گلوکاری کا آغاز کردیا تھا اور انہوں نے 1970 میں پہلا میوزک ایلبم ریلیز کیا۔
ہیلن ریڈی نے گلوکاری سے قبل اسٹیج ڈراموں میں اداکاری کے جوہر بھی دکھائے تھے، تاہم انہیں مقبولیت 1972 کے ایلبم ‘میں عورت ہوں’ کے اسی نام کے گانے سے ہی ہوئی۔
بعد ازاں ہیلن ریڈی نے دیگر میوزک ایلبم بھی ریلیز کیے جب کہ انہوں نے دیگر گلوکاروں کے ساتھ مشترکہ میوزک ایلبم جاری کرنے سمیت سنگل گانے بھی بھی جاری کیے۔
ہیلن ریڈی کے گانے ‘میں عورت ہوں’ ہوں کو فیمنزم تحریک کا ترانہ سمجھا جاتا ہے اور انہیں کے اسی گانے کو دنیا بھر میں 1975 کے بعد شروع ہونے والی نسوانی تحریک میں بجایا جاتا رہا ہے۔
ہیلن ریڈی کو ‘میں عورت ہوں’ گانے پر 1973 میں بہترین گلوکارہ کا گریمی ایوارڈ بھی دیا گیا تھا، جب کہ ان کے اسی گانے کی ریکارڈ کاپیاں بھی فروخت ہوئی تھیں۔
ہیلن ریڈی کا یہی گانا اتنا مقبول ہوا کہ 2019 میں گلوکارہ کی زندگی پر بنائی گئی فلم کا نام بھی ‘میں عورت ہوں’ ہی رکھا گیا جب کہ اسی نام سے ان کی زندگی سے متعلق کتاب بھی جاری کی گئی۔
ہیلن ریڈی کی زندگی پر بنائی گئی فلم ‘میں عورت ہوں’ کو چند ہفتے قبل ہی آن لائن ریلیز کیا گیا تھا، فلم میں ان کے امریکا منتقل ہونے کی زندگی سمیت ان کی گلوکاری کی زندگی کو دکھایا گیا ہے۔
ہیلن ریڈی کی موت اپنی زندگی پر ریلیز ہونے والی فلم کے چند ہفتوں بعد ہی ہوئی۔
ہیلن ریڈی کے بچوں نے مشترکہ بیان میں گلوکارہ و اداکارہ کی موت کی تصدیق کی۔
ہیلن ریڈی کی موت پر نہ صرف ان کے اہل خانہ، گلوکاروں اور اداکاروں نے گہرے دکھ کا اظہار کیا بلکہ دنیا بھر کی نسوانی تحریک کی خواتین عہدیداروں نے بھی ان کی موت پر دکھ کا اظہار کیا۔

یہ بھی پڑھیں

زینڈیا بین الاقوامی ایمی ایوارڈ جیتنے والی سب سے کم عمر ترین اداکارہ

زینڈیا بین الاقوامی ایمی ایوارڈ جیتنے والی سب سے کم عمر ترین اداکارہ

امریکا: ایمی ایوارڈ کو امریکا میں ٹیلی ویژن کی دنیا کا سب سے معتبر ترین …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے