صوبے کے مختلف شہروں میں ممنوعہ پلاسٹک بیگز کے خلاف کریک ڈاؤن

صوبے کے مختلف شہروں میں ممنوعہ پلاسٹک بیگز کے خلاف کریک ڈاؤن

کراچی: مشیر ماحولیات اور ترجمان سندھ حکومت مرتضیٰ وہاب کی ہدایات پر ایجنسی برائے تحفظ ماحولیات سندھ (ایس ای پی اے ۔ سیپا) نے صوبے کے مختلف شہروں میں ممنوعہ پلاسٹک بیگز کے خلاف کریک ڈاؤن کیا

سیپا کی کراچی، حیدر آباد اور لاڑکانہ کی ٹیموں نے اپنے علاقوں کی مارکیٹس میں چھاپے مارے۔ کراچی کے جوڑیا بازار، لاڑکانہ کے مرکزی بازار اور حیدر آباد کی ٹاور مارکیٹ میں سیپا کی ٹیموں نے ممنوعہ پلاسٹک بیگز ضبط کرلیے۔
کارروائی مقامی پولیس کی مدد سے سیپا کے ضلعی انچارجز کی سربراہی میں کی گئی۔
اس سے قبل تھر پارکر اور ٹنڈو الہیار میں بھی ممنوعہ پلاسٹک بیگز کی خرید و فروخت کے خلاف کارروائی کی جاچکی ہے۔
مرتضیٰ وہاب نے ہدایت کی ہے کہ ممنوعہ پلاسٹک بیگز کے خاتمے تک صوبے بھر میں سیپا کی ٹیمیں اپنی کارروائیاں جاری رکھیں۔
پلاسٹک کے، آلودگی اور کچرے میں اضافے کی وجہ بننے کے سبب صوبے میں سنگل یوز (ایک بار استعمال کیے جانے والے) پلاسٹک پر پابندی عائد ہے۔
صوبہ سندھ کے علاوہ دیگر صوبوں میں بھی پلاسٹک کے استعمال پر پابندی عائد کی جاچکی ہے، تاہم تاحال پلاسٹک کے متبادل استعمال کے حوالے سے کوئی حکمت عملی پیش نہیں کی گئی۔
عوام کی قلیل تعداد کپڑے کے بنے تھیلے استعمال کر رہی ہے لیکن اکثریت پلاسٹک کے نقصانات اور اس کی جگہ پائیدار اشیا کے استعمال کے حوالے سے شعور سے محروم ہے۔

یہ بھی پڑھیں

انڈس اسپتال میں کورونا وائرس کی ویکسین کا انسانی ٹرائل شروع ہوگیا

انڈس اسپتال میں کورونا وائرس کی ویکسین کا انسانی ٹرائل شروع ہوگیا

کراچی: چین کی دو کمپنیوں نے کورونا ویکسین پر کام کیا، پاکستان میں ویکسین کے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے