یونس خان نے ریٹائرمنٹ کا فیصلہ واپس لینے کی تردید کردی

جمیکا: قومی کرکٹ ٹیم کے مڈل آرڈر بلے باز یونس خان نے ٹیسٹ کرکٹ سے ریٹائرمنٹ کا فیصلہ واپس لینے کی خبروں کی سختی سے تردید کی ہے۔ یونس خان نے سوشل میڈیا پر اپنے ویڈیو پیغام میں کہا کہ مجھ سے کیا سوال پوچھا گیا، میں نے اس کا کیا جواب دیا اور عوام تک میرا کیا موقف پہنچا اس کی تفصیل میں نہیں جاؤں گا لیکن اگر ویسٹ انڈیز کے خلاف سیریز کی ہر اننگز میں سنچری بھی بناؤں تو ریٹائرمنٹ کا فیصلہ واپس نہیں لوں گا۔

قومی ٹیم کے بلے باز کا مزید کہنا تھا کہ میں نے جتنی بھی کرکٹ کھیلی پاکستان کے لئے کھیلی ہے پڑوسی ملک بھارت کے لئے نہیں، اس لئے میرے کردار پر کسی قسم کا شک مت کیا جائے۔ واضح رہے کہ یونس خان ویسٹ انڈیز کے خلاف سیریز کے بعد ٹیسٹ کرکٹ سے ریٹائرمنٹ کا اعلان کر چکے ہیں لیکن گزشتہ روز میڈیا پر خبریں گردش کرتی رہیں کہ یونس خان نے ریٹائرمنٹ کا فیصلہ واپس لینے کا اشارہ دیا ہے۔

یہ بھی پڑھیں

آسٹریلیا نے بھارت اور پاکستان سے پہلی پوزیشن چھین لی

انٹرنیشنل کرکٹ کونسل نے ٹیسٹ، ایک روزہ اور ٹی ٹوئنٹی کرکٹ کی سالانہ بنیاد پر …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے