اس لڑکی کی تصویر میں ایسی کیا بات ہے کہ دیکھ کر انٹرنیٹ صارفین غصے سے آگ بگولہ ہوگئے، شدید تنقید کا نشانہ بنا ڈالا

نیویارک: ایک امریکی لڑکی نے اپنے حسن کے جلووں سے انٹرنیٹ صارفین کی آنکھوں کو خیرہ کرنے کے لئے ایک شاندار سیلفی پوسٹ کی، لیکن بدقسمتی سے انٹرنیٹ صارفین کی توجہ اس لڑکی کے پس منظر میں نظر آنے والی ایک بدنما چیز نے کھینچ لی، جس کی شاید کوئی بھی توقع نہیں کر رہا تھا۔ دی مرر کی رپورٹ کے مطابق ٹویٹر صارف @shelbizzle نے موسم گرما کو خوش آمدید کہنے کیلئے مختصر لباس میں ایک سیلفی بنا کر سوشل میڈیا پر پوسٹ کی۔ شاید اسے اندازہ نہیں تھا کہ اس کی خوبصورتی کی بجائے کمرے کی بدصورتی کہیں زیادہ نمایاں تھی۔ تصویر میں دیکھا جاسکتا ہے کہ لڑکی کا کمرہ ہر طرف بکھرے سامان اور کپڑوں سے اٹا پڑا ہے، حتٰی کہ کھڑکیوں پر پردے کے طور پر کپڑوں کا ہی استعمال کیا گیا ہے۔

 یہ منظر خصوصی طور پر انٹرنیٹ صارفین کو بدمزہ کرنے کا سبب بنا۔ اکثر نے تو اپنے کمنٹس میں حیر ت کا اظہار کرتے ہوئے لڑکی سے پوچھ بھی لیا کہ ”کھڑکی پر گندے کپڑے کیوں لٹکے ہیں؟“ لڑکی کی خوبصورتی کی تعریف تو کم ہی لوگوں نے کی البتہ اس کے کمرے کی بدحالی ہر کسی کی توجہ کا مرکز بن گئی۔ بیچاری لڑکی منفی تبصرے کرنے والوں کی کڑوی باتوں پر جل بھن کر رہ گئی ہے اور انہیں سمجھانے کی کوشش کر رہی ہے کہ اس کی کپڑوں کی الماری ٹوٹ گئی تھی، اسی لئے ہر جانب کپڑے بکھرے نظر آتے ہیں۔

یہ بھی پڑھیں

بھارت لائن آف کنٹرول پر اشتعال انگیزی کے ساتھ آبی جارحیت پر بھی اتر آیا ہے اور اس نے بڑے سیلابی ریلوں کا رخ پاکستان کی جانب موڑ دیا ہے جس کے باعث پاکستانی دریاؤں میں بڑے پیمانے پر سیلاب کا خطرہ پیدا ہو گیا ہے۔ ترجمان این ڈی ایم اے کے مطابق بھارت نے لداخ ڈیم کے 3 اسپل ویز کھول دیئے ہیں جن کا پانی خرمنگ کے مقام پر دریائے سندھ میں شامل ہو گا۔ سیلاب کے خطرے کے پیش نظر گلگت بلتستان ڈیزاسٹر مینجمنٹ اتھارٹی نے الرٹ جاری کر دیا ہے۔ اس کے علاوہ بھارت نے دریائے ستلج میں بھی بڑا سیلابی ریلا چھوڑ دیا ہے۔ ڈیزاسٹر منیجمنٹ اتھارٹی پنجاب کے حکام کا کہنا ہے کہ سیلابی ریلہ آج دن 11 بجے ہیڈگنڈا سنگھ والا کے مقام سے پاکستان میں داخل ہو گا اور پھر 30 گھنٹے بعد ہیڈ سلیمان کے راستے بہاول نگر میں داخل ہو گا۔ ترجمان این ڈی ایم اے بریگیڈئیر مختار احمد کے مطابق دریائے ستلج میں بھارتی پنجاب سے آنے والے پانی کے بڑے ریلے کی وجہ سے سیلاب کا خطرہ ہے۔ بریگیڈئیر مختار احمد کا کہنا ہے کہ محتاط اندازے کے مطابق ڈیڑھ سے 2 لاکھ کیوسک پانی پاکستانی حدود میں داخل ہو سکتا ہے۔ پی ڈی ایم اے پنجاب نے ضلع قصور اور اطراف کے اضلاع کی انتظامیہ کو کسی بھی ہنگامی صورتحال کے لیے تیار رہنے کی ہدایت کی ہے۔ بھارت نے سندھ طاس معاہدہ عملاً معطل کر دیا ہے: ڈپٹی کمشنر انڈس واٹر جیو نیوز سے گفتگو کرتے ہوئے پاکستان کے ڈپٹی انڈس واٹر کمشنر شیراز میمن نے کہا ہے کہ بھارت کی جانب سے مسلسل آبی جارحیت جاری ہے، اس نے سندھ طاس معاہدے کو عملاً معطل کر دیا ہے۔ شیراز میمن نے کہا کہ بھارت نے ہر قسم کی واٹر ڈیٹا شیئرنگ بند کر دی ہے اور ڈیموں سے پانی کے اخراج پر پیشگی اطلاع نہیں دی، وہ مسلسل سندھ طاس معاہدے کی خلاف ورزی کر رہا ہے۔ انہوں نے مزید کہا کہ بھارت نے یکم جولائی سے ستمبر تک کا دریاوں کا ڈیٹا بھی نہیں بھیجا، کئی ماہ سے دونوں ملکوں کے شیڈول اجلاس بھی نہیں ہو رہے، بھارتی رویئے سے حکومت کو آگاہ کر دیا ہے۔ دریائے ستلج میں درمیانے اور اونچے درجے کے سیلاب کا خدشہ فلڈ فورکاسٹنگ ڈویژن نے نئی ایڈوائزری جاری کر دی ہے جس کے مطابق دریائے ستلج میں درمیانے اور اونچے درجے کے سیلاب کا خدشہ ظاہر کیا گیا ہے۔ فلڈ فورکاسٹنگ ڈویژن کے مطابق 20 اور 21 اگست سے گنڈا سنگھ والا پر بہاؤ 80 تا 90 ہزار کیوسک ہونےکا امکان ہے جو ڈیڑھ لاکھ کیوسک تک بھی جا سکتا ہے۔ فورکاسٹنگ ڈویژن کا کہنا ہے کہ 23 اگست سے ہیڈ سلیمانکی پر بھی بہاؤ بڑھنے کا امکان ہے۔ گزشتہ72گھنٹے میں راوی، بیاس اور ستلج کے بالائی علاقوں میں انتہائی شدید بارشیں ہوئیں جس کی وجہ سے بھاکرہ ڈیم اور زیر علاقوں سے آنے والا پانی سیلاب کا باعث بن رہا ہے۔ فلڈ فورکاسٹنگ ڈویژن نے متعلقہ اداروں کو احتیاطی تدابیر اختیار کرنے کی ہدایت کی ہے۔

بھارت کنٹرول لائن پر اشتعال انگیزی کے ساتھ آبی جارحیت پر بھی اتر آیا

بھارت لائن آف کنٹرول پر اشتعال انگیزی کے ساتھ آبی جارحیت پر بھی اتر آیا …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے