ایف بی آر نے جولائی میں ہدف سے 57 ارب روپے زائد ٹیکس جمع کیا

ایف بی آر نے جولائی میں ہدف سے 57 ارب روپے زائد ٹیکس جمع کیا

اسلام آباد: اسد عمر نے آج ایک ٹویٹ میں کہا ہے کہ ایف بی آر نے جولائی میں ہدف سے 57 ارب روپے زائد ٹیکس جمع کیا، یہ نئی ایف بی آر ٹیم کی بہترین کارکردگی کی عکاس ہے

وفاقی وزیر کا کہنا تھا کہ کامیابی سے کرونا وبا کے کنٹرول کے ساتھ ہماری معیشت تیزی سے بحالی کی طرف گامزن ہے، ملک میں معاشی سرگرمیاں بحال ہو رہی ہیں جب کہ دیگر ممالک جدوجہد کر رہے ہیں۔

اسد عمر کا کہنا تھا کہ ملک میں کو وِڈ 19 کی وبا کو کنٹرول کرنے کی کوششوں میں زبردست کامیابی حاصل کی گئی، جس کی وجہ سے ملکی معیشت بحال ہونے لگی ہے۔
ہ گزشتہ روز ایف بی آر کی جانب سے ماہ جولائی کی حاصل کردہ ریونیو کی تفصیلات جاری کی گئی تھیں، جس کے مطابق نئے مالی سال کے پہلے ماہ میں مقرر کردہ ہدف کے مقابلے میں 57 ارب اضافے کے ساتھ 300 ارب اکٹھے کیے گئے۔
ٹیکس وصولی مقرر کردہ ریونیو ہدف کا 125 فی صد بنتے ہیں، ان لینڈ ریونیو سے 52 ارب اور کسٹمز سے 5 ارب کا زائد اضافہ حاصل ہوا، خیال رہے کہ ایف بی آر نے کسٹمز ڈیوٹی میں 25 ارب روپے کا ریلیف بھی دیا تھا۔
کاروباری برادری کو جولائی میں ان لینڈ ریونیو کی مد میں 15 ارب کے ریفنڈز جاری کیے گئے جب کہ گزشتہ سال جولائی میں 7 ارب روپے جاری کیے گئے تھے۔

یہ بھی پڑھیں

قومی بچت اسکیموں پر منافع کی شرح میں صفر اعشاریہ 50 فیصد اضافہ کردیا

قومی بچت اسکیموں پر منافع کی شرح میں صفر اعشاریہ 50 فیصد اضافہ کردیا

اسلام آباد: وزارت خزانہ کی جانب سے قومی بچت اسکیموں پر منافع کی شرح کے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے