شادی کی تقریب میں دلہن کی مہمانوں کے ساتھ ایسی حرکت کہ تمام لوگ خون کے آنسو رونے لگے

لندن: کسی کی شادی میں جانا ایک اچھا کام لگتا ہے کہ وہاں ہمیں لوگوں سے ملنے کے ساتھ سماجی تعلقات بنانے میں مددملتی ہے اور اس دوران آپ دولہا اور دلہن کو تحفہ بھی دیتے ہیں تاہم آپ کی نظر اس شادی پر اٹھنے والے اخراجات کی طرف نہیں جاتی کیونکہ ہمیں اس کی زیادہ پرواہ نہیں ہوتی۔اگر آپ کو اس شادی کے اخراجات دینے پڑ جائیں تو یقیناًآپ وہاں سے نکلنے میں عافیت جانیں گے لیکن آج ہم آپ کو ایک ایسی شادی کا احوال بتائیں گے جس میں دولہااور دلہن نے شادی پر اٹھنے والے اخراجات مہمانوں سے وصول کئے۔

ڈیلی مرر نے اپنی ایک رپورٹ میں ایک خاتون کے حوالے سے لکھا ہے جو ایسی شادی میں شریک ہوکر مشکل میں پھنس گئی۔اس خاتون نے ایک ویب سائٹ Mumsnetپر اپنا یہ تجربہ شیئر کیا ہے جس میں وہ بتاتی ہے اس کی ایک قریبی دوست چند ماہ پہلے رشتہ ازدواج میں منسلک ہوئی۔’’میرے کئی دوستوں کی طرح اس کے پاس شادی کے لئے زیادہ پیسے نہ تھے جو کہ ایک عام سی بات ہے۔اس جوڑے نے فیصلہ کیا کہ وہ ایک بڑا گھر کرئے پر لیں گے اور وہاں یہ شادی ہوگی۔‘‘ اس خاتون کا کہنا ہے کہ جوڑے نے کھاناخریدا اور اس تین دن کے ایونٹ پر لوگوں کو مدعو کیا۔

اس کا کہنا ہے کہ جس گھر میں شادی ہونی تھی وہ چھ گھنٹے کی ڈرائیو پر تھااوروہاں جانے پر لوگوں کاکافی پیسہ خرچ ہوا۔’’ہمیں اپنے مشروبات خود ساتھ رکھنے کے لئے کہاگیا اور اس طرح ان تین دنوں کے لئے ہمارے 50پاؤنڈ(6000روپے)خرچ ہوئے۔گھر میں میرے اور میرے شوہر کے لئے کمرہ مخصوص تھاجس کا کرایہ 150پاؤنڈ (16000روپے)فی دن تھا اور یوں ہمارے 48ہزار روپے خرچ ہوئے۔‘‘

اس کا کہنا ہے کہ پھر ایک لسٹ دی گئی جس میں کہاگیا کہ وہ نئے جوڑے کے لئے اس میں سے کوئی چیز خریدیں۔اس خاتون کا کہنا ہے کہ نئے جوڑے نے یہ گھر مہمانوں سے ملنے والی رقم سے کرائے پرحاصل کیا تھا۔’’اس طرح نئے جوڑے نے ایک روپیہ بھی خرچ نہیں کیا اور تمام رقم شرکت کرنے والے مہمانوں سے وصول کی۔‘‘اس کا کہنا ہے کہ اس کی سہیلی نے اس طرح شادی کرکے کوئی اچھی مثال قائم نہیں کی ۔

یہ بھی پڑھیں

بھارت لائن آف کنٹرول پر اشتعال انگیزی کے ساتھ آبی جارحیت پر بھی اتر آیا ہے اور اس نے بڑے سیلابی ریلوں کا رخ پاکستان کی جانب موڑ دیا ہے جس کے باعث پاکستانی دریاؤں میں بڑے پیمانے پر سیلاب کا خطرہ پیدا ہو گیا ہے۔ ترجمان این ڈی ایم اے کے مطابق بھارت نے لداخ ڈیم کے 3 اسپل ویز کھول دیئے ہیں جن کا پانی خرمنگ کے مقام پر دریائے سندھ میں شامل ہو گا۔ سیلاب کے خطرے کے پیش نظر گلگت بلتستان ڈیزاسٹر مینجمنٹ اتھارٹی نے الرٹ جاری کر دیا ہے۔ اس کے علاوہ بھارت نے دریائے ستلج میں بھی بڑا سیلابی ریلا چھوڑ دیا ہے۔ ڈیزاسٹر منیجمنٹ اتھارٹی پنجاب کے حکام کا کہنا ہے کہ سیلابی ریلہ آج دن 11 بجے ہیڈگنڈا سنگھ والا کے مقام سے پاکستان میں داخل ہو گا اور پھر 30 گھنٹے بعد ہیڈ سلیمان کے راستے بہاول نگر میں داخل ہو گا۔ ترجمان این ڈی ایم اے بریگیڈئیر مختار احمد کے مطابق دریائے ستلج میں بھارتی پنجاب سے آنے والے پانی کے بڑے ریلے کی وجہ سے سیلاب کا خطرہ ہے۔ بریگیڈئیر مختار احمد کا کہنا ہے کہ محتاط اندازے کے مطابق ڈیڑھ سے 2 لاکھ کیوسک پانی پاکستانی حدود میں داخل ہو سکتا ہے۔ پی ڈی ایم اے پنجاب نے ضلع قصور اور اطراف کے اضلاع کی انتظامیہ کو کسی بھی ہنگامی صورتحال کے لیے تیار رہنے کی ہدایت کی ہے۔ بھارت نے سندھ طاس معاہدہ عملاً معطل کر دیا ہے: ڈپٹی کمشنر انڈس واٹر جیو نیوز سے گفتگو کرتے ہوئے پاکستان کے ڈپٹی انڈس واٹر کمشنر شیراز میمن نے کہا ہے کہ بھارت کی جانب سے مسلسل آبی جارحیت جاری ہے، اس نے سندھ طاس معاہدے کو عملاً معطل کر دیا ہے۔ شیراز میمن نے کہا کہ بھارت نے ہر قسم کی واٹر ڈیٹا شیئرنگ بند کر دی ہے اور ڈیموں سے پانی کے اخراج پر پیشگی اطلاع نہیں دی، وہ مسلسل سندھ طاس معاہدے کی خلاف ورزی کر رہا ہے۔ انہوں نے مزید کہا کہ بھارت نے یکم جولائی سے ستمبر تک کا دریاوں کا ڈیٹا بھی نہیں بھیجا، کئی ماہ سے دونوں ملکوں کے شیڈول اجلاس بھی نہیں ہو رہے، بھارتی رویئے سے حکومت کو آگاہ کر دیا ہے۔ دریائے ستلج میں درمیانے اور اونچے درجے کے سیلاب کا خدشہ فلڈ فورکاسٹنگ ڈویژن نے نئی ایڈوائزری جاری کر دی ہے جس کے مطابق دریائے ستلج میں درمیانے اور اونچے درجے کے سیلاب کا خدشہ ظاہر کیا گیا ہے۔ فلڈ فورکاسٹنگ ڈویژن کے مطابق 20 اور 21 اگست سے گنڈا سنگھ والا پر بہاؤ 80 تا 90 ہزار کیوسک ہونےکا امکان ہے جو ڈیڑھ لاکھ کیوسک تک بھی جا سکتا ہے۔ فورکاسٹنگ ڈویژن کا کہنا ہے کہ 23 اگست سے ہیڈ سلیمانکی پر بھی بہاؤ بڑھنے کا امکان ہے۔ گزشتہ72گھنٹے میں راوی، بیاس اور ستلج کے بالائی علاقوں میں انتہائی شدید بارشیں ہوئیں جس کی وجہ سے بھاکرہ ڈیم اور زیر علاقوں سے آنے والا پانی سیلاب کا باعث بن رہا ہے۔ فلڈ فورکاسٹنگ ڈویژن نے متعلقہ اداروں کو احتیاطی تدابیر اختیار کرنے کی ہدایت کی ہے۔

بھارت کنٹرول لائن پر اشتعال انگیزی کے ساتھ آبی جارحیت پر بھی اتر آیا

بھارت لائن آف کنٹرول پر اشتعال انگیزی کے ساتھ آبی جارحیت پر بھی اتر آیا …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے