’ہمارا پورا ملک تم سے لڑنے کیلئے تیار ہے‘ شام کے بعد ایک اور بڑے ملک نے کھل کر امریکہ کو للکار دیا، فوجیں حرکت میں آگئیں، انتہائی سنگین خطرہ!

پیانگ یانگ: شمالی کوریا کی طرف سے پے درپے میزائل تجربے کرنے پر امریکہ کی طرف سے اسے کئی بار وارننگ دی جا چکی ہے اور اب شام پر حملے کے بعد امکانات روشن ہو چکے ہیں کہ امریکہ شمالی کوریا پر بھی حملہ کرنے جا رہا ہے کیونکہ امریکی نیوی نے اپنا خطرناک جنگی بیڑہ یو ایس ایس کارل ونسن شمالی کوریا کی طرف روانہ کر دیا ہے۔ امریکہ کی طرف سے جنگ کی ان تیاریوں کے جواب میں شمالی کوریا کی طرف سے ایسا بیان سامنے آ گیا ہے جس سے جنگ کا خطرہ مزید بڑھ گیا ہے۔ میل آن لائن کی رپورٹ کے مطابق شمالی کوریا نے امریکی اقدامات کے جواب میں کہا ہے کہ ”ہمارا پورا ملک امریکہ سے لڑنے کے لیے تیار ہیں۔ ہماری افواج پوری طرح تیاری میں ہیں اور امریکہ کو طاقتور ہتھیاروں کے ذریعے منہ توڑ جواب دیں گی اور اپنے ملک کا دفاع کریں گی۔“

 

یہ دھمکی آمیز بیان شمالی کوریا کی وزارت خارجہ کے ترجمان کی طرف سے جاری کیا گیا ہے جس میں ان کا مزید کہنا تھا کہ ”امریکہ اپنے بحری بیڑے کو ہماری طرف بھیج کر غلطی کر رہا ہے۔ اس سے ثابت ہو گیا ہے کہ امریکہ ہمارے ملک پر حملہ کرنے کے سنجیدہ مرحلے میں داخل ہو چکا ہے لیکن ہم اسے بتانا چاہتے ہیں کہ اس کے کسی بھی اشتعال انگیز اقدام کے انتہائی تباہ کن نتائج برآمد ہوں گے اور اس تمام تر تباہی کا واحد ذمہ دار صرف امریکہ ہو گا۔ ہم اپنے طاقتور ہتھیاروں سے اس کے حملے کا جواب دیں گے۔“

یہ بھی پڑھیں

بھارت لائن آف کنٹرول پر اشتعال انگیزی کے ساتھ آبی جارحیت پر بھی اتر آیا ہے اور اس نے بڑے سیلابی ریلوں کا رخ پاکستان کی جانب موڑ دیا ہے جس کے باعث پاکستانی دریاؤں میں بڑے پیمانے پر سیلاب کا خطرہ پیدا ہو گیا ہے۔ ترجمان این ڈی ایم اے کے مطابق بھارت نے لداخ ڈیم کے 3 اسپل ویز کھول دیئے ہیں جن کا پانی خرمنگ کے مقام پر دریائے سندھ میں شامل ہو گا۔ سیلاب کے خطرے کے پیش نظر گلگت بلتستان ڈیزاسٹر مینجمنٹ اتھارٹی نے الرٹ جاری کر دیا ہے۔ اس کے علاوہ بھارت نے دریائے ستلج میں بھی بڑا سیلابی ریلا چھوڑ دیا ہے۔ ڈیزاسٹر منیجمنٹ اتھارٹی پنجاب کے حکام کا کہنا ہے کہ سیلابی ریلہ آج دن 11 بجے ہیڈگنڈا سنگھ والا کے مقام سے پاکستان میں داخل ہو گا اور پھر 30 گھنٹے بعد ہیڈ سلیمان کے راستے بہاول نگر میں داخل ہو گا۔ ترجمان این ڈی ایم اے بریگیڈئیر مختار احمد کے مطابق دریائے ستلج میں بھارتی پنجاب سے آنے والے پانی کے بڑے ریلے کی وجہ سے سیلاب کا خطرہ ہے۔ بریگیڈئیر مختار احمد کا کہنا ہے کہ محتاط اندازے کے مطابق ڈیڑھ سے 2 لاکھ کیوسک پانی پاکستانی حدود میں داخل ہو سکتا ہے۔ پی ڈی ایم اے پنجاب نے ضلع قصور اور اطراف کے اضلاع کی انتظامیہ کو کسی بھی ہنگامی صورتحال کے لیے تیار رہنے کی ہدایت کی ہے۔ بھارت نے سندھ طاس معاہدہ عملاً معطل کر دیا ہے: ڈپٹی کمشنر انڈس واٹر جیو نیوز سے گفتگو کرتے ہوئے پاکستان کے ڈپٹی انڈس واٹر کمشنر شیراز میمن نے کہا ہے کہ بھارت کی جانب سے مسلسل آبی جارحیت جاری ہے، اس نے سندھ طاس معاہدے کو عملاً معطل کر دیا ہے۔ شیراز میمن نے کہا کہ بھارت نے ہر قسم کی واٹر ڈیٹا شیئرنگ بند کر دی ہے اور ڈیموں سے پانی کے اخراج پر پیشگی اطلاع نہیں دی، وہ مسلسل سندھ طاس معاہدے کی خلاف ورزی کر رہا ہے۔ انہوں نے مزید کہا کہ بھارت نے یکم جولائی سے ستمبر تک کا دریاوں کا ڈیٹا بھی نہیں بھیجا، کئی ماہ سے دونوں ملکوں کے شیڈول اجلاس بھی نہیں ہو رہے، بھارتی رویئے سے حکومت کو آگاہ کر دیا ہے۔ دریائے ستلج میں درمیانے اور اونچے درجے کے سیلاب کا خدشہ فلڈ فورکاسٹنگ ڈویژن نے نئی ایڈوائزری جاری کر دی ہے جس کے مطابق دریائے ستلج میں درمیانے اور اونچے درجے کے سیلاب کا خدشہ ظاہر کیا گیا ہے۔ فلڈ فورکاسٹنگ ڈویژن کے مطابق 20 اور 21 اگست سے گنڈا سنگھ والا پر بہاؤ 80 تا 90 ہزار کیوسک ہونےکا امکان ہے جو ڈیڑھ لاکھ کیوسک تک بھی جا سکتا ہے۔ فورکاسٹنگ ڈویژن کا کہنا ہے کہ 23 اگست سے ہیڈ سلیمانکی پر بھی بہاؤ بڑھنے کا امکان ہے۔ گزشتہ72گھنٹے میں راوی، بیاس اور ستلج کے بالائی علاقوں میں انتہائی شدید بارشیں ہوئیں جس کی وجہ سے بھاکرہ ڈیم اور زیر علاقوں سے آنے والا پانی سیلاب کا باعث بن رہا ہے۔ فلڈ فورکاسٹنگ ڈویژن نے متعلقہ اداروں کو احتیاطی تدابیر اختیار کرنے کی ہدایت کی ہے۔

بھارت کنٹرول لائن پر اشتعال انگیزی کے ساتھ آبی جارحیت پر بھی اتر آیا

بھارت لائن آف کنٹرول پر اشتعال انگیزی کے ساتھ آبی جارحیت پر بھی اتر آیا …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے