ایس او پیز پر عملدرآمد کرنے پر عوام کے شکر گزار ہیں

ایس او پیز پر عملدرآمد کرنے پر عوام کے شکر گزار ہیں

اسلام آباد: وفاقی وزیر اطلاعات شبلی فراز نے ہیلتھ ورکرز کو خراج تحسین پیش کرنے کیلئے اسلام آباد میں پولی کلینک کا دورہ کیا اور لیڈی ہیلتھ ورکرز کو گلدستے پیش کئے

وزیر اطلاعات شبلی فراز نے کہا کہ وزیراعظم عمران خان نے کورونا کے پھیلاؤ کو روکنے کیلئے اسمارٹ لاک ڈاؤن کی حکمت عملی اپنائی جس سے کورونا کے کیسز میں کمی آئی، عمران خان کی اسمارٹ لاک ڈاؤن کی پالیسی کو دنیا نے اپنایا، متحد ہوکر وبا کا مقابلہ کرنا ہے جبکہ بے یقینی، افواہوں اور ایسے بیانات دینے سے گریز کرنا ہوگا جس سے قومی یکجہتی میں دراڑیں پڑیں۔
شبلی فراز کا کہنا تھا کہ ایس او پیز پر عملدرآمد کرنے پر عوام کے شکر گزار ہیں، اس سے کورونا پر کافی حد تک کنٹرول پایا گیا ہے، تاہم کورونا ابھی مکمل ختم نہیں ہوا لہذا خطرہ اب بھی موجود ہے، حکومت نے کورونا وبا کے دوران احساس پروگرام کے ذریعے مستحق لوگوں تک امداد پہنچائی، ایک سو پچاس ارب روپے میرٹ پر ایک کروڑ خاندانوں میں تقسیم کئے گئے۔
حکومت نے سیاسی پوائنٹ اسکورنگ نہیں کی بلکہ سنجیدہ اقدامات کیے اور وبا کو کنٹرول کرنے میں کامیاب رہی، حکومتی کوششوں سے کورونا ٹیسٹنگ کی صلاحیت کو بڑھایاگیا، اگر ہم محتاط انداز سے ایس او پیز پر عملدرآمد کرتے رہے تو ہسپتال جلد ویران ہونگے اور کھیلوں کے میدان آباد ہونگے۔

یہ بھی پڑھیں

نوازشریف اور مریم نواز کے خلاف مقدمات بالکل واضح ہیں

نوازشریف اور مریم نواز کے خلاف مقدمات بالکل واضح ہیں

 اسلام آباد: نیب نے مریم نواز کو آج طلب کیا تھا تاہم مسلم لیگ (ن) …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے