سیہون دھماکے کے سہولت کاروں کی اطلاع دینے پر 50 لاکھ روپے انعام کا اعلان

کراچی: ایڈیشنل آئی جی سی ٹی ڈی ثنااللہ عباسی نے کہا ہے کہ سہون دھماکے میں ملوث حملہ آور اور اس کے سہولت کاروں کی شناخت سی سی ٹی وی فوٹیج کے ذریعے  ہوئی ہے۔ سہون دھماکے کی تحقیقات سے متعلق پریس کانفرنس کرتے ہوئے ایڈیشنل آئی جی سی ٹی ڈی کا کہنا تھا کہ دربار لعل شہباز قلندر کے اندرون اور احاطے میں لگے 38 کیمروں کی مدد سے عکس بند کی گئیں 16 فروری اور اس سے قبل کی ویڈیوز کو بغور دیکھا  جس میں پتہ چلا کہ خودکش بمباراور اس کے 2  ساتھی ساتھ ساتھ ہیں  جب کہ خودکش حملہ آور اور سہولت کار15فروری کوایک گھنٹا مزارمیں رہے اور مزار کی ریکی کی۔

ثنااللہ عباسی کا کہنا تھا کہ حملے میں ملوث خودکش بمبار کے 2 سہولت کاروں نےمزار کی تصاویربھی لیں، جب کہ باریکی سے دیکھنے پرپتا لگا کہ وقوعہ کے روز حملہ آور نےخودکش جیکٹ پہنی ہوئی ہے۔ ان کا کہنا تھا کہ پولیس نے تمام شواہد جمع کیے اور سی سی ٹی وی وڈیو سے لی گئی تصاویرکو شناخت کے لیے نادرا بھیجا جاچکا ہے۔ ایڈیشنل آئی جی کا کہنا تھا کہ شناخت میں مدد کرنے والے کو 50 لاکھ روپے انعام دیا جائے گا شناخت سے متعلق اطلاع 99203438-021 پردی جاسکتی ہے جب کہ رینجرز ہیلپ لائن 1101پر بھی اطلاع دی جاسکتی ہے شناخت کرنے والے شخص کا نام صیغہ راز میں رکھا جائے گا۔

یہ بھی پڑھیں

نئے نوٹ جاری, کرنے کا سلسلہ 20 مئی, سے شروع ہوگا, جو 31 مئی تک, جاری رہے گا

نئے نوٹ جاری کرنے کا سلسلہ 20 مئی سے شروع ہوگا جو 31 مئی تک جاری رہے گا

کراچی: اسٹیٹ بینک کے جاری بیان میں بتایا گیا کہ نئے نوٹوں کی بکنگ کا …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے