چوہدری نثار پریس کانفرنس میں پیپلز پارٹی پر برس پڑے

اسلام آباد : وفاقی وزیر داخلہ چودھری نثار نے کہا ہے کہ ہم پر تنقید کرنے والے اپنا پانچ سال کا دور بھی دیکھ لیں۔ جس میں حج اور عمرے میں بھی کرپشن کی گئی۔

یہ بات انہوں نے اسلام آباد میں پریس کانفرنس سے خطاب کرتے ہوئے کہی، چودھری نثار نے وزیر اعظم کے نیب سے متعلق بیان پر وضاحت دیتے ہوئے کہا کہ ملک کے چند بڑے صنعتکار وزیراعظم کے پاس آئے اور نیب کیخلاف شکایت کی تھی، اس کے بعد وزیراعظم نے بیان دیا کہ نیب کو کسی کی عزت سے نہیں کھیلنے دینگے۔

چوہدری نثار پریس کانفرنس میں پیپلز پارٹی پر گرجتے برستے رہے، ان کا کہنا تھا کہ پاکستان واحد اسلامی ملک ہے جہاں حج اور عمرے میں بھی کرپشن کی گئی۔

چوہدری نثار کا کہنا تھا کہ کبھی شور نہیں مچایا کہ پنجاب پر حملہ ہوگیا ہے، انہوں نے کہا کہ میں نے اپنا ڈھائی سالہ دور تحقیقات کیلئے پیش کر دیا ہے۔

انہوں نے کہا کہ ہم نے کبھی یہ واویلا نہیں کیا کہ پنجاب پر حملہ ہو گیا ہے۔اگر سندھ کی حکومت کو نیب یا ایف آئی اے کی کارروائیوں پر اعتراض ہے تو وہ میڈیا میں آنے کی بجائے عدالتوں میں جائے۔ہم نے ہر کیس کو انصاف کے ترازو میں تولا ہے۔

انہوں نے کہا کہ حج اسکینڈل سمیت کئی میگا کرپشن کیسز ہیں ان پر اگر پیپلز پارٹی کو تحفظات ہیں تو وہ عدالت میں جائیں۔

ہم بھی ان کیسز کی عدالتی سکیورٹنی کیلئے تیار ہیں۔ ان کا کہنا تھاکہ نیب سے خوفزدہ نہیں ہیں اور نہ ہی پرکاٹنے کی تیاری ہورہی ہے۔

یہ بھی پڑھیں

زمین, سے زمین تک مار کرنے, والے بیلسٹک میزائل, شاہین ٹو کا, کامیاب تجربہ

زمین سے زمین تک مار کرنے والے بیلسٹک میزائل شاہین ٹو کا کامیاب تجربہ

راولپنڈیڈی: جی آئی ایس پی آر کا کہنا ہے شاہین ٹوبیلسٹک میزائل 1500 کلو میٹر …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے