43000 مرتبہ جنسی زیادتی کا نشانہ بننے والی لڑکی نے اپنی زندگی کا سب سے بڑا اعلان کردیا، جان کر ہر کوئی داد دینے پر مجبور ہوگیا

نیویارک:  انسانی تاریخ ہولناک جرائم کے ذکر سے بھری پڑی ہے لیکن جو بربریت میکسیکو سے تعلق رکھنے والی ایک نوعمر لڑکی کے ساتھ کی گئی اس کی مثال شاید ہی مل سکے۔ کارلا جسنتو صرف 12 سال کی تھیں جب انہیں اغوا کرلیا گیا اور درندہ صفت مجرموں نے ان کی عصمت دری کے بعد انہیں جسم فروشی کے دھند ے میں جھونک دیا۔ اگلے 4سالوں کے دوران انہیں قید میں رکھا گیا اور روزانہ تقریباً 30 افراد انہیں ہوس کا نشانہ بناتے رہے۔ کارلا کا کہنا ہے کہ ان سے جسم فروشی کروانے والا گروہ تمام گاہکوں اور ان سے حاصل ہونے والی آمدنی کا حساب رکھتا تھا۔ وہ کہتی ہیں کہ ان کی عصمت دری کے اعدادوشمار ظاہر کرتے ہیں کہ انہیں چار سال کے دوران 43ہزار 200 مرتبہ زیادتی کا نشانہ بنایا گیا۔ کارلا کی دردناک داستان گزشتہ سال پہلی مرتبہ منظر عام پر آئی جب امریکی ٹی وی سی این این نے ان کا انٹرویو کیا۔

کارلا نے بتایا کہ جنسی غلامی میں گزارے چار سال ان کی زندگی کا خوفناک ترین دور تھے۔ ان کا کہنا تھا ”صبح 10 بجے سے میری آبرو ریزی کا آغاز ہوجاتا اور یہ سلسلہ آدھی رات تک جاری رہتا۔ میری عزت سے کھیلنے والے اکثر مرد مجھے روتا ہوا دیکھ کر ہنسا کرتے تھے۔ میں آنکھیں بند کرلیا کرتی تھی تاکہ اپنے ساتھ ہونے والی درندگی کو دیکھ نہ سکوں۔ مجھے لگتا تھا کہ میں اس عذاب سے کبھی نہیں نکل پاؤں گی کیونکہ میری آبرو ریزی کرنے والوں میں پولیس والے، جج اور حتیٰ کہ پادری بھی شامل تھے۔ میں سوچتی تھی کہ نکل کر جاؤں گی بھی تو کس کے پاس۔“ کارلا کی خوش قسمتی تھی کہ میکسیکو میں کئے جانے والے ایک بڑے اینٹی ٹریفکنگ آپریشن کے دوران انہیں جنسی غلام بنانے والا گروہ بھی پکڑا گیا اور بالآخر چار سال تک ظلم سہنے کے بعد انہیں آزادی مل گئی۔ اس وقت ان کی عمر 16 سال تھی۔

یہ بھی پڑھیں

امریکا جیسا ملک اپنے اتحادی ملک ترکی کو مزید نقصان نہیں پہنچانے چاہے گا

انقرہ: ترک صدر نے روسی ہتھیار خریدنے کے بعد سے امریکا اور ترکی کے مابین …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے