دنیا نے گزشتہ سال فروری میں بھارتی جارحیت کا مظاہرہ دیکھا

اسلام آباد : وزیر خارجہ شاہ محمود قریشی نے کہا کہ ایل او سی پر حالیہ کشیدگی بھارتی مظالم سے توجہ ہٹانے کی کوشش ہے

وزیر خارجہ کا کہنا تھا کہ 5 اگست کے اقدام سے خطے کی صورتحال کو مزید غیر یقینی بنا دیا گیا، ایل او سی پر حالیہ کشیدگی بھارتی مظالم سے توجہ ہٹانے کی کوشش ہے۔

وزیر خارجہ شاہ محمود قریشی نے یوم تکبیر کے حوالے سے منعقدہ تقریب سے ویڈیو لنک کے ذریعے خطاب کرتے ہوئے کہا کہ ہمسائے ملک میں دقیانوسی، انتہا پسندانہ سوچ والوں کی حکومت ہے۔

ان کا کہنا تھا کہ خطے کی سیکیورٹی صورتحال کا تقاضا ہے پاکستان خطرات سے چوکنا رہے، خطرات ہمسائے کی طرف سے خطے میں غلبے کی خواہش کے باعث ہیں۔

شاہ محمود قریشی نے کہا کہ دنیا نے گزشتہ سال فروری میں بھارتی جارحیت کا مظاہرہ دیکھا، پاکستان نے بھارتی جارحیت کا متوازن اور ذمے دارانہ جواب دیا کیونکہ پاکستان امن پسند ملک ہے اور ایٹمی طاقت کے طور پر ہمارا رویہ ذمہ دارانہ رہے گا۔

یہ بھی پڑھیں

صدر مملکت نے چاروں گورنر اورعلماء کی ویڈیو کانفر نس آج

صدر مملکت نے چاروں گورنر اورعلماء کی ویڈیو کانفر نس آج

اسلام آباد: حکومت نے مساجد کیلئے ایس اوپیز کا از سرنو جائزہ لینے کا فیصلہ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے