سعودی شاہی خاندان کو انگلش فٹبال کلب فروخت نہ کیا جائے

سعودی شاہی خاندان کو انگلش فٹبال کلب فروخت نہ کیا جائے

عرب: انگلش فٹبال کلب نیو کاسل یونائیٹڈ کو سعودی ولی عہد کی زیر نگرانی کام کرنے والا سعودی انویسٹنٹ فنڈ خریدنے والا ہے اور اس سلسلے میں معاہدہ بھی جلد متوقع ہے

سعودی صحافی جمال خاشقجی 2 اکتوبر 2018 کو ترکی میں سعودی قونصل خانے میں داخل ہونے کے بعد لاپتہ ہوگئے تھے جس کے بعد ان کے قتل کی خبر آئی تھی۔
امریکا کی سینٹرل انٹیلی جنس ایجنسی (سی آئی اے) کے حوالے سے 17 نومبر 2018 کو امریکی ذرائع ابلاغ میں رپورٹس آئی تھیں کہ ایجنسی کی جانب سے یہ نتیجہ اخذ کیا گیا ہے کہ سعودی صحافی جمال خاشقجی کا قتل طاقتور سعودی ولی عہد محمد بن سلمان کے حکم پر ہوا۔
جمال خاشقجی کی منگیتر حاطس چنگیز نے اپنے وکیل کے توسط سے انگلش پیرمیئر لیگ کے چیف ایگزیکٹو رچرڈ ماسٹرز کو خط لکھ کر اس حوالے سے تحفظات کا اظہار کرتے ہوئے کہا کہ اگر محمد بن سلمان کو کلب خریدنے کی اجازت دی گئی تو اس سے پریمیئر لیگ کا وقار مجروح ہوگا۔
سعودی عرب کے ولی عہد یہ کلب خرید کر انسانی حقوق کی خلاف ورزیوں کے حوالے سے اپنے ملک کی خراب ساکھ کو بہتر بنانا چاہتے ہیں۔
سعودی عرب گزشتہ چند برسوں میں ڈبلیو ڈبلیو ای ریسلنگ اور فارمولا ای جیسے مقابلے منعقد کرا چکا ہے اور اب وہ اپنے ملک میں انتھونی جوشوا اور اینڈی روئز کے درمیان ورلڈ ہیوی ویٹ باکسنگ کے ساتھ ساتھ مستقبل قریب میں فارمولا ون گرینڈ پرکس کی میزبانی کا بھی ارادہ رکھتا ہے۔
محمد بن سلمان کی زیر سربراہی چلنے والے پبلک انویسٹمنٹ فنڈ کی نیوکاسل سے بات چیت جاری ہے جس کے تحت وہ 30 کروڑ پاؤنڈ میں کلب کے 80فیصد حصص کے مالک بن جائیں گے۔
تمام تر معاملات طے پا چکے ہیں اور بس اس پر دستخط ہونا باقی ہیں جس کے بعد اس کے 10 فیصد حصص پی سی پی کیپیٹل پارٹنرز کے پاس جائیں گے جبکہ بقیہ موجودہ مالک مائیک ایشلے اور دیگر میں تقسیم ہوں گے۔
حاطس چنگیز کے خط میں پریمیئر لیگ کو خبردار کیا گیا کہ اگر سعودی انویسٹمنٹ فنڈ کو نیو کاسل یونائیٹڈ خریدنے کی اجازت دے دی گئی تو اس سے وہ جمال خاشقجی کے قتل کو پس پشت ڈالنے کے منصوبے کا حصہ بن جائیں گے۔
خط میں ان کے وکیل نے موقف اختیار کیا کہ حاطس چنگیزی چاہتی ہیں کہ آپ اور پریمیئر کے بورڈ کے اراکین سعودی شہزادے کو اس کلب کو خریدنے سے روکنے کے لیے تمام ضروری اقدامات اٹھائیں جبکہ چنگیزی کے منگیتر کے بہیمانہ قتل کے بعد اس کے طرح کے اقدامات اٹھانا آپ کا حق بنتا ہے۔
محمد بن سلمان جیسے سنگین جرائم کرنے والے شخص کے انگلش پریمیئر لیگ کا حصہ بننے سے انگلش پریمیئر لیگ کی ساکھ خراب ہو گی اور وہ یہ کلب خرید کر اپنی ساکھ کو بہتر بنانے اور جرائم پر پردہ ڈالنے کی کوشش کر رہے ہیں۔

یہ بھی پڑھیں

چین میں غیر معمولی بارشوں سے دریاؤں کے بند بھی ٹوٹ چکے ہیں

چین میں غیر معمولی بارشوں سے دریاؤں کے بند بھی ٹوٹ چکے ہیں

چین : غیر معمولی بارشوں سے چین کے 33 دریا اپنی انتہائی سطح سے بھی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے