کورونا ریلیف فنڈ میں اب تک 3ارب روپے سے زائد رقم جمع ہوگئی

اسلام آباد: وزیراعظم کورونا ریلیف فنڈ میں عطیات کا سلسلہ جاری ہے، سینیٹر فیصل جاوید نے سماجی رابطے کی ویب سائٹ ٹوئٹر پر اپنے پیغام میں کہا کہ وزیراعظم ریلیف فنڈمیں رقم3ارب تک پہنچ گئی

ماشااللہ ! اب تک ریلیف فنڈ میں 3 ارب 22 کروڑ روپے جمع ہوئے، اس عظیم مقصد کیلئے آپ کی سخاوت اور جذبے کو سلام۔
معاون خصوصی زلفی بخاری کی کوششوں سے وزیراعظم کورونا ریلیف فنڈ میں بڑی کمپنیاں تعاون کیلئے تیار ہے، معروف سیلولر کمپنی نے 70 لاکھ روپے ریلیف فنڈ میں جمع کروا دئیے۔
زلفی بخاری نے پرائیویٹ سیکٹر سے ریلیف فنڈ میں بڑھ چڑھ کر حصہ ڈالنے کی اپیل کی ہے۔
گذشتہ ہفتے وزیراعظم کورونا ریلیف فنڈ کیلئے ٹیلی تھون میں تقریباً2.7ارب روپےفنڈ میں جمع ہوئے تھے۔
واضح رہے وزیراعظم عمران خان نے کرونا سے لڑ نے کے لیے ریلیف فنڈ کے قیام اور ٹائیگرفورس بنانے کا اعلان کیا تھا، جب کہ صوبوں کی سطح پر بھی الگ الگ ریلیف فنڈز قائم کیے گئے ہیں، جس میں مخیر حضرات سے عطیات جمع کرانے کی اپیل کی گئی تھی۔