امریکی صدر کا بیان غیر قانونی اور خطرناک عمل کی حوصلہ افزائی کرتا ہے

امریکی صدر کا بیان غیر قانونی اور خطرناک عمل کی حوصلہ افزائی کرتا ہے

واشنگٹن: گورنر جے انسلی نے اپنے بیان میں امریکی صدر پر الزام لگایا کہ ٹرمپ جھوٹ کا پرچار کررہے ہیں اور ملک میں اندرونی بغاوت بھڑکا رہے ہیں

گورنر نے یہ الزام صدر ٹرمپ کے اس بیان کے بعد لگایا جب انہوں نے اپنے حامیوں پر زور دیا کہ امریکا کی تین ریاستوں کو ڈیمو کریٹس سے آزاد کرائیں۔
واشنگٹن کے گورنر کا کہنا تھا کہ امریکی صدر کا بیان غیر قانونی اور خطرناک عمل کی حوصلہ افزائی کرتا ہے، وہ لاکھوں لوگوں کو کورونا میں مبتلا ہونے کے خطرے سے دوچار کررہے ہیں۔
ٹرمپ کی غیر ضروری جارحانہ تقریریں اور لوگوں سے ریاستیں آزاد کرانے کا مطالبہ تشدد کو بھی بڑھاوا دے سکتا ہے کیونکہ ہم اس سے پہلے یہ دیکھ چکے ہیں لہٰذا ٹرمپ اندرونی بغاوت بھڑکا رہے ہیں اور جھوٹ پھیلا رہے ہیں۔
واشنگٹن کے گورنر کا کہنا تھا کہ ٹرمپ کی انتظامیہ خود کہتی ہے کہ وائرس ایک حقیقت ہے اور یہ جان لیوا ہے، ہمارے پاس پابندیاں اٹھانے سے پہلے آگے بڑھنے کے لیے ایک طویل راستہ ہے۔
گزشتہ روز امریکی صدر نے ٹوئٹر پر ریاست ورجینیا، مشی گن اور منی سوٹا کی آزادی کا نعرہ لگایا تھا جب کہ انہوں نے ساتھ ہی نیو یارک کے گورنر پر بھی شدید تنقید کی تھی۔
امریکا میں کورونا وائرس کے تقریباً 7 لاکھ کیسز ہیں اور 36 ہزار افراد ہلاک ہوچکے ہیں جب کہ مجموعی کیسز کی نصف تعداد نیویارک میں رپورٹ ہوئی ہے۔
امریکا میں کورونا کی بدترین صورتحال کے باوجود ٹرمپ نے جلد ہی کچھ ریاستیں کھولنے کا اعلان کیا ہے۔

یہ بھی پڑھیں

ریاست جارجیا کے حراستی مراکز میں قید خواتین کے ’رحم مادر‘ نکالے جانے کا اسکینڈل

ریاست جارجیا کے حراستی مراکز میں قید خواتین کے ’رحم مادر‘ نکالے جانے کا اسکینڈل

امریکا: اسکینڈل اس وقت سامنے آیا جب ریاست جارجیا کی ارون کاؤنٹی کے ایک حراستی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے