عالمی منڈی میں خام تیل کی قیمت میں ہوشربا کمی دیکھی گئی

عالمی منڈی میں خام تیل کی قیمت میں ہوشربا کمی دیکھی گئی

کراچی: کورونا وائرس کے باعث کئی ملکوں میں لاک ڈاؤن کی صورتحال ہے، نقل وحرکت محدود ہوگئی، پیٹرولیم مصنوعات کی طلب میں شدید کمی واقع ہوگئی سعودی عرب اور روس کی جانب سے اضافی پیداوار کی جارہی ہے

خام تیل کی قیمت انتیس سال کی کم ترین سطح پرآگئی، امریکی خام تیل بیس ڈالر پر ٹریڈ ہوتے دیکھا گیا۔ کاروباری ہفتے کے اختتام پر امریکی خام تیل کی قیمت بائیس ڈالر اکتالیس سینٹس فی بیرل ہوگئی۔
برینٹ خام تیل کی قیمت میں ایک ہفتےمیں بیس فیصد کی کمی ہوئی۔ برینٹ خام تیل کی قیمت چھبیس ڈالراٹھانوےسینٹس فی بیرل ہوگئی، گلوبل اسٹاک مارکیٹس کیلئے بیس مارچ کو ختم ہونے والا ہفتہ معاشی بحران کے بعد اب تک کا بدترین ہفتہ رہا۔
ہفتے بھر میں امریکی ڈاؤ جونز میں سترہ اعشاریہ تین فیصد، نیسڈیک میں بارہ اعشاریہ چھ فیصد کی کمی ریکارڈ ہوئی۔ ایس اینڈپی فائیو ہنڈریڈ میں ایک ہفتے میں پندرہ فیصد کی کمی ہوئی۔
یورپی حصص بازاروں میں پانچویں ہفتے کا اختتام بھی مندی میں ہوا۔ بھارتی اسٹاک مارکیٹ میں بھی ہفتے بھر میں بارہ فیصد کی کمی ہوئی۔ بیس مارچ کو ختم ہونے والا ہفتہ پاکستان اسٹاک مارکیٹ کیلئے دسمبر دوہزار آٹھ سے اب تک کا بدترین رہا۔

یہ بھی پڑھیں

ملزمان کی رہائی سے عوام کے تحظ کی صورتحال خراب ہونے کا اندیشہ ہے

ملزمان کی رہائی سے عوام کے تحظ کی صورتحال خراب ہونے کا اندیشہ ہے

کراچی : گورنر سندھ نے ویسٹ پاکستان پبلک آرڈیننس 1960 کے تحت اختیارات کا استعمال …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے