انگلینڈ ٹیسٹ ٹیم کے نائب کپتان بین اسٹوکس کو بڑے اعزاز سے نواز دیا گیا

انگلینڈ ٹیسٹ ٹیم کے نائب کپتان بین اسٹوکس کو بڑے اعزاز سے نواز دیا گیا

لندن: انگلینڈ ٹیسٹ کرکٹ ٹیم کے نائب کپتان آل راؤنڈر بین اسٹوکس نے ایک اور اعزاز اپنے نام کرلیا۔

تفصیلات کے مطابق ورلڈ کپ 2019 کے فائنل میں میچ وننگ اننگز کھیلنے والے بین اسٹوکس کو آرڈر آف دی برٹش ایمپائر کے اعزاز سے نوازا گیا۔

بین اسٹوکس کو بکنگھم پیلس میں شہزادہ ولیم نے اعزاز سے نوازا، بین اسٹوکس کو ورلڈ کپ میں پرفارمنس اور شاندار کامیابی پر اعزاز سے نوازا گیا ہے۔

واضح رہے کہ اس سے قبل بین اسٹوکس کو انگلینڈ کے اعلیٰ ترین اعزازات میں سے نائٹ ہڈ دئیے جانے کی خبریں بھی آئی تھیں۔ لارڈز کے تاریخی میدان پر کھیلے گئے ورلڈ کپ فائنل میں اسٹوکس نے ٹیم کو ورلڈ کپ جتوانے میں اہم کردار ادا کیا تھا۔

اگر بین اسٹوکس کو یہ اعزاز دیا جاتا ہے تو وہ اسے وصول کرنے والے انگلینڈ کے 12ویں اور مجموعی طور پر 23ویں کرکٹر ہوں گے۔ اس سے قبل سابق عظیم انگلش اوپننگ بلے باز ایلسٹر کک وہ آخری کھلاڑی تھے جنہیں یہ اعزاز دیا گیا تھا۔

اس سے قبل بین اسٹوکس نے گزشتہ سال اگست میں آسٹریلیا کے خلاف ایشیز سیریز کے میچ میں شاندار سنچری اسکور کرکے انگلینڈ کو ایک وکٹ سے کامیابی دلائی تھی، انگلینڈ نے ٹیسٹ میچ میں ریکارڈ 359 رنز کا ہدف حاصل کیا تھا۔

 

’موسیٰ اکثر کہتا تھا مجھے بھی بیٹنگ کا موقع دیں‘

یہ بھی پڑھیں

کورونا کے خلاف جنگ میں باکسرعامرخان کا پاکستان کو امداد دینے کا اعلان

لوگوں کی زندگیاں بچانے کے لیے اپنا کردار ادا کرنا چاہتا ہوں پاکستانی نژاد برطانوی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے