پی ایس ایل کا فائنل لاہور میں ہی کرانے کا فیصلہ

دبئی: پی ایس ایل کا فائنل لاہور میں ہی کرانے کا حتمی فیصلہ کر لیا گیا ہے۔

 پی ایس ایل انتظامیہ اور فرنچائز مالکان کے درمیان ایک اہم اجلاس منعقد ہوا جس میں پی ایس ایل کا فائنل لاہور میں ہی کرانے کا فیصلہ کیا گیا۔ اجلاس میں اس بات پر تھی اتفاق کیا گیا کہ اگر غیر ملکی کھلاڑی پی ایس ایل فائنل کے لئے پاکستان نہیں آتے تو پھر بھی فائنل ہر صورت لاہور میں ہی ہوگا اور اس سے فرنچائز مالکان کو کوئی فرق نہیں پڑے گا۔

دوسری جانب ذرائع کا کہنا ہے کہ جنوبی افریقا، سری لنکا اور بنگلا دیش سمیت 50 غیر ملکی کھلاڑی پی ایس ایل فائنل کے لئے پاکستان آنے پر رضا مند ہیں جبکہ کراچی کنگز، اسلام آباد یونائیٹڈ اور کوئٹہ گلیڈی ایٹرز کے غیر ملکی کوچز بھی پی ایس ایل فائنل کے لئے لاہور آنے پر آمادگی ظاہر کر چکے ہیں۔ ذرائع کا کہنا ہے کہ پی ایس ایل فائنل کے لئے پاکستان آنے والے ہر غیر ملکی کھلاڑی کو 10 ہزار ڈالر اضافی دیئے جائیں گے جبکہ انہیں وی وی آئی پی سیکیورٹی بھی فراہم کی جائے گی۔

واضح رہے کہ لاہور میں ہونے والے خود کش حملے کے بعد اس بات کا خدشہ ظاہر کیا جا رہا تھا کہ اب پی ایس ایل کا فائنل لاہور میں نہیں ہو گا تاہم دبئی میں پی سی بی، پی ایس ایل انتظامیہ اور فرنچائز مالکان کے اجلاس کے بعد اس قسم کی تمام افواہیں دم توڑ گئی ہیں اور اب پاکستان سپر لیگ کا فائنل 5 مارچ کو لاہور میں ہی ہو گا۔

یہ بھی پڑھیں

منفی خبروں میں صداقت نہیں، پاک سری لنکا سیریز شیڈول کے مطابق ہوگی: پی سی بی

منفی خبروں میں صداقت نہیں، پاک سری لنکا سیریز شیڈول کے مطابق ہوگی: پی سی بی

لاہور: پاکستان کرکٹ بورڈ کے ترجمان نے تمام تر افواہوں کی تردید کرتے ہوئے کہا …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے