ایف اے ٹی ایف نے ایران کو بلیک لسٹ کردیا

ایف اے ٹی ایف نے ایران کو بلیک لسٹ کردیا

پیرس: فنانشنل ایکشن ٹاسک فورس (ایف اے ٹی ایف) نے ایران کو بلیک لسٹ کردیا۔

غیرملکی خبررساں ادارے کی رپورٹ کے مطابق ایف اے ٹی ایف نے ایران کو انسداد عالمی دہشت گردی کی مالی معاونت کے طے شدہ اصولوں کی پاسداری میں ناکامی پر بلیک لسٹ کردیا۔

ایف اے ٹی ایف کا کہنا ہے کہ ایران کے ساتھ لین دین کی مزید جانچ پڑتال ہوگی، ایران میں فنانسنگ تنظیموں کا آڈٹ ہوگا، ایران کے ساتھ کام کرنے والے بینکوں اور کاروباری اداروں پر دباؤ ڈالا جائے گا۔

واضح رہے کہ امریکا ایران کے خلاف زیادہ سے زیادہ دباؤ کی پالیسی پر زور دیتا آیا ہے، امریکا کا دعویٰ ہے کہ ایران کے ساتھ جوہری امور، میزائل پروگرام اور مشرق وسطیٰ میں ایرانی سرگرمیوں پر بات چیت ہونی چاہئے۔

ایف اے ٹی ایف کی پابندی ایسے وقت پر سامنے آئی ہے جب ایران میں پارلیمانی انتخابات کا عمل آج ہی مکمل ہوا ہے جس کے نتائج کا اعلان کل متوقع ہے۔

یاد رہے کہ اس سے قبل بھارت کی پاکستان کو بلیک لسٹ میں دھکیلنے کی کوششیں پھر ناکام ہوگئیں، ایف اے ٹی ایف نے پاکستان کو جون 2020 تک گرے لسٹ میں برقرار رکھا ہے۔

ایف اے ٹی ایف کے اعلامیے میں کہا گیا تھا کہ پاکستان ایکشن پلان پر عملدرآمد یقینی بنارہا ہے، پاکستان سے متعلق اب فیصلہ جون میں اجلاس میں کیا جائے گا۔

 

کورونا وائرس سعودی عرب، اسرائیل اور لبنان میں بھی پہنچ گیا

یہ بھی پڑھیں

پاناما کا لاک ڈاؤن دنیا کے دیگر ممالک سے کافی مختلف ہے

پاناما کا لاک ڈاؤن دنیا کے دیگر ممالک سے کافی مختلف ہے

جزیرہ پاناما: پاناما کو بھی ملک میں بڑھتے کیسز کا سامنا ہے اور 2 اپریل …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے