علی عظمت کے الزامات پر علی ظفر کا منفرد انداز میں ردعمل سامنے آگیا

علی عظمت کے الزامات پر علی ظفر کا منفرد انداز میں ردعمل سامنے آگیا

کراچی: 

گلوکار علی عظمت کی جانب سے علی ظفر پر تنقید کے بعد گلوکار علی ظفر کا بیان سامنے آگیا ہے۔

پی ایس ایل سیزن فائیو کے گانے کو سوشل میڈیا پر ملنے والی تنقید کے بعد علی عظمت نے الزام عائد کرتے ہوئے کہا ہے کہ مخالف آرٹسٹ کے کہنے پر کچھ بلاگرز کی جانب سے ہمارے گانے پر جان بوجھ کر تنقید کی گئی جس کی وجہ سے گانا تنازع کا شکار ہوا۔

علی عظمت کے بیان پر علی ظفر بھی خاموش نہ رہے۔ انہوں نے بھی ردعمل میں منفرد انداز اپناتے ہوئے کہا کہ اگر آپ کی زندگی میں کوئی ازدواجی یا سماجی مسئلہ ہو، اگر کاروبار، گانا یا کوئی ایونٹ نہیں چل رہا تو اُس کا ذمہ دار آپ بالکل نہیں ہیں بلکہ میں ہوں کیوں کہ میں اتنا طاقتور ہوں کہ میرے ہر جگہ اپنے بلاگرز ہیں۔

انہوں نے طنز کرتے ہوئے یہ بھی کہا کہ ڈونلڈ ٹرمپ کیا ہیں؟ انہیں صدر کس نے منتخب کروایا؟ آپ کے بھائی علی ظفر نے، ایسا کریں آپ لوگ اپنے کمرے میں ایک بورڈ لگائیں اور اس پر میری تصویر لگائیں اور روز صبح اُٹھ کر برائیاں کریں، اس طرح دل ہلکا ہوگا اور غصہ کم ہوگا بلکہ آپ یہ چاہتے ہیں کہ میں خود آپ کے سامنے کھڑے ہوجاؤں تو میں حاضر ہوں۔

ویڈیو کے دوران پی ایس ایل سیزن ٹو میں علی ظفر کی جانب سے بنایا ہوا گانا بجنا شروع ہوجاتا ہے جس پر وہ کہتے ہیں کہ بند کریں یہ گانا کیوں بار بار یہ گانا لگا دیتے ہیں، ساتھ ہی انہوں نے یہ بھی کہا کہ اس اُمید کے ساتھ آج آپ سکون سے سوئیں کیوں کہ آپ کا بھائی حاضر ہے۔

’ آپ یہ چاہ رہے تھے کہ میں اپنے کپڑے پھاڑ کر ڈانس شروع کردوں؟‘

یہ بھی پڑھیں

گلوکارہ حدیقہ کیانی ڈراما انڈسٹری میں بطور اداکارہ قدم رکھنے کے لیے تیار

گلوکارہ حدیقہ کیانی ڈراما انڈسٹری میں بطور اداکارہ قدم رکھنے کے لیے تیار

معروف گلوکارہ و موسیقار حدیقہ کیانی گلوکاری کے میدان میں کامیابی کے بعد اب اداکاری …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے