وسیم اکرم کی پہلی ہی گیند پر لیجنڈ کھلاڑی بولڈ

وسیم اکرم کی پہلی ہی گیند پر لیجنڈ کھلاڑی بولڈ

میلبرن: لیجنڈری فاسٹ بولر وسیم اکرم نے سوئنگ ڈیلوری سے گلیاں اڑا کر ماضی کی یادیں تازہ کردی۔

بش فائر متاثرین کی بحالی کی خاطر فنڈریزنگ میچ میں سوئنگ کے سلطان نے بیٹسمین کو کلین بولڈ کردیا، میلبرن کے جنکشن اوول کے میدان پر کھیلے گئے میچ میں رگبی لیگ کے لیجنڈ کیمرون اسمتھ کا سامنا سوئنگ کے سلطان سے ہوا تو وسیم اکرم نے پہلی ہی گیند پر انہیں بولڈ کردیا۔

وسیم اکرم کی ان سوئنگ ڈیلوری کو بیٹسمین قطعی طور پر نہ سمجھ سکے اور بولڈ ہوگئے تاہم میچ کے قواعد و ضوابط کے تحت پہلی گیند پر آؤٹ ہونے والے پلیئر کو ایک موقع اور دیا گیا اور اسمتھ کو نئی لائف لائن ملی۔

میچ میں وسیم اکرم نے 2 اوورز میں 21 رنز دیے جب کہ انہوں نے فیلڈنگ کے دوران ڈائیو کر کے ایک یقینی باؤنڈری بھی روکی۔

میچ رکی پونٹنگ اور گلکرسٹ الیوں کے مابین کھیلا گیا، رکنی پونٹنگ الیون نے پہلے کھیلتے ہوئے مقررہ 10 اوورز میں 5 وکٹوں پر 104 رنز بنائے جس میں برائن لارا نے دلکش اسٹروکس کھیلتے ہوئے 30 رنز کا حصہ ڈالا اور وہ ٹاپ اسکورر رہے۔

بنگلادیش نے بھارت کو ہرا کر انڈر19 ورلڈکپ جیت لیا

یہ بھی پڑھیں

بنگلادیش نے بھارت کو ہرا کر انڈر19 ورلڈکپ جیت لیا

بنگلادیش نے بھارت کو ہرا کر انڈر19 ورلڈکپ جیت لیا

جوہانسبرگ: بنگلادیش نے بھارت کو ہرا کر آئی سی سی انڈر 19 ورلڈکپ جیت لیا۔ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے