دریائے سندھ میں‌ کشتی الٹ گئی، 40 افراد سوار، 22 کو بچالیا گیا

دریائے سندھ میں خواتین اور بچوں سمیت 40 افراد سے بھری کشتی الٹ گئی، فوری امداد دیتے ہوئے بائیس افراد کو بچالیا گیا جبکہ رات گئے تک بقیہ افراد کی تلاش کا عمل جاری رہا۔

اطلاعات کے مطابق دریائے سندھ میں موہنجو دڑو کے قریب زائرین سے بھری ایک کشتی الٹ گئی، بتایا جارہا ہے کہ اس میں 40 سے زائد افراد سوار تھے جو درگاہ محبن پیر جارہے تھے۔

ان افراد میں خواتین اور بچے بھی شامل ہیں، یہ جگہ لاڑکانہ سے 40 کلومیٹر دور ہے، جہاں گاڑیوں کو جانے میں دشواری کا سامنا ہے۔

مقامی ذرائع کا کہنا ہے کہ چار افراد خود تیر کر باہر نکل آئے جب کہ بقیہ افراد کو امدادی کارروائی کرتے ہوئے بچالیا گیا۔

اطلاعات ہیں کہ بچائے گئے افراد کی تعداد 22 تک پہنچ گئی جبکہ بقیہ افراد کی تلاش کا کام رات گئے تک جاری رہا۔

 

یہ بھی پڑھیں

صوبائی حکومت نے شہریوں سے کیے گئے اپنے وعدے پر عملدرآمد شروع کر دیا

صوبائی حکومت نے شہریوں سے کیے گئے اپنے وعدے پر عملدرآمد شروع کر دیا

کراچی: نیبر ہوڈ امپروومنٹ پروگرام کے تحت سعودآباد چورنگی تا تھڈو نالے تک سڑک کی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے