گلوکار طاہر شاہ کا ویلینٹائن ڈے پر نیا گانا ریلیز کرنے کا اعلان

گلوکار طاہر شاہ کے خصوصی تحفے کے ساتھ ویلنٹاین ڈے منانے کو تیار ہے ؟ اپنے منفرد انداز اور آواز سے سوشل میڈیا پر کم عرصے میں اسٹار بننے والے پاکستانی گلوکار طاہر شاہ نے ویلینٹائن ڈے پر مداحوں کو بڑا سرپرائز دینے کا اعلان کیا ہے۔

“آئی ٹو آئی” اور “اینجل” سے شہرت کی بلندیوں پر پہنچنے والے پاکستانی گلوکار طاہر شاہ اب کسی تعارف کے محتاج نہیں ہیں، اب طاہر شاہ نے ویلٹائن ڈے پر ایک نیا گانا ریلیز کرنے جارہے ہیں۔

سماجی رابطوں کی ویب سائٹ ٹویٹر پر اپنے مداحوں کو پیغام دیا ہے کہ ویلنٹائن ڈے پر وہ ایک خصوصی گانا پیش کریں گے، ان کا کہنا ہے کہ میرے مداحوں کیلئے یہ ویلنٹائن گفٹ جلد ریلیز کر دیا جائے گا۔

اس سے قبل سوشل میڈیا سے مشہور ہونے والے پاکستانی گلوکار طاہر شاہ نے سال نو کی آمد پر اپنے مداحوں کے لیے نئے گانے کی ویڈیو ریلیز کی تھی، جسے ’انسانیت محبت‘ کا نام دیا گیا تھا۔

یاد رہے گزشتہ دنوں طاہر شاہ کو نامعلوم کال کے ذریعے قتل کرنے کی دھمکی دی گئی تھی جس کے بعد وہ ملک چھوڑ کر بیرون ملک منتقل ہوگئے ہیں

واضح رہے طاہر شاہ کو سوشل میڈیا پر اُس وقت پذیرائی حاصل ہوئی جب انہوں نے اپنا پہلا گانا ’’آئی ٹو آئی‘‘ نشر کیا تھا، ویڈیو وائرل ہونے کے بعد اس پر تنقید بھی ہوئی جبکہ کچھ لوگوں نے اس کو سراہا بھی تھا۔

اس گانے نے راتوں رات مقبولیت کے کئی ریکارڈ قائم کئے اور دیکھتے ہی دیکھتے یہ گانا زبان زد عام ہو گیا، انہوں نے اپنے دو گانوں کی وجہ سے لوگوں میں بہت مقبولیت حاصل کی۔

یہ بھی پڑھیں

محکمہ جنگلی حیات کی رابی پیر زادہ کیخلاف کارروائی

لاہور: گلوکارہ رابی پیرزادہ کو گھر میں اژدھے، مگرمچھ اور سانپ رکھنا مہنگا پڑ گیا۔ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے