پی ایس ایل کا آفیشل ترانا، علی ظفر کا ردعمل آگیا

پی ایس ایل کا آفیشل ترانا، علی ظفر کا ردعمل آگیا

کراچی: پاکستان سپر لیگ سیزن 5 کے آفیشل ترانے ’تیار ہیں‘ پر گلوکار علی ظفر کا ردعمل سامنے آگیا۔

تفصیلات کے مطابق پاکستان کرکٹ بورڈ (پی سی بی) کی جانب سے پی ایس ایل سیزن 5 کا آفیشل ترانا ’تیار ہیں‘ ریلیز کیا گیا تھا ، ترانے میں گلوکار عظمت علی، ہارون، عاصم اظہر اور عارف لوہار نے آواز کا جادو جگایا تھا۔

پی ایس ایل کے آفیشل ترانے کو مداحوں کی جانب سے پسند نہیں کیا گیا تھا اور ان کا کہنا تھا کہ ترانے میں علی ظفر کو ہی لیا جاتا تو بہتر تھا، کچھ لوگ نے ترانے پر میمز پر بنا کر ناراضگی کا اظہار کیا۔

پی ایس ایل کے دو سیزن میں آواز کا جادو جگانے والے گلوکار علی ظفر کا کہنا ہے کہ ’آپ کی جانب سے محبت اور حمایت کیے جانے پر مشکور ہوں، میں آپ سب سے گزارش کروں گا کہ آپ دوسرے تمام فن کاروں کی کوششوں کے لیے یکساں طور پر قابل ستائش رہیں۔‘

علی ظفر نے کہا کہ ہم سب ایک کنبے کی طرح ہیں، پی ایس ایل بھی ایسا ہی ہے اس کا تعلق پاکستان سے ہے اور اسی طرح ہماری موسیقی بھی ہے۔

گلوکار علی ظفر نے پی ایس ایل کے پہلے ایڈیشن میں ’سیٹی بجے گی‘ ترانا گایا تھا جو بہت مقبول ہوا تھا، اس کے علاوہ انہوں نے پی ایس ایل سیزن 2 اور 3 میں ’اب کھیل جمے گا‘ اور ’دل سے جان لگادے‘ میں بھی اپنی آواز کا جادو جگایا تھا۔

پی ایس ایل کے مداحوں نے سوشل میڈیا پر رواں سیزن کے ترانے میں علی ظفر کی کمی محسوس کی ہے اور مطالبہ کیا کہ یہ ترانا بھی علی ظفر کی آواز میں ہونا چاہئے تھا۔

واضح‌رہے پی ایس ایل سیزن 5 کا آغاز 20 فروری میں‌کراچی سے ہوگا، ایونٹ کی افتتاحی تقریب کراچی اور فائنل لاہور میں‌کھیلا جائے گا.

کاشف چوہدری کو الیکشن کمیشن میں جعلی ڈگری جمع کرانے پر نااہل قرار

یہ بھی پڑھیں

بسمہ معروف ویمن کرکٹ ٹیم کی کپتان برقرار

بسمہ معروف ویمن کرکٹ ٹیم کی کپتان برقرار

پاکستان کرکٹ بورڈ (پی سی بی) نے حال ہی میں ویمن کرکٹ ٹیم کی کھلاڑیوں …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے