عراق، ملین مارچ میں فلسطینی قوم کی حمایت،

عراق، ملین مارچ میں فلسطینی قوم کی حمایت

عراقی عوام نے جمعے کے روز اپنے ملین مارچ کے دوران جہاں ملک سے امریکی فوجیوں کے انخلا ک مطالبہ کیا وہیں فلسطینی قوم اور مسجد الاقصی کی حمایت میں بھی نعرے لگائے۔

فلسطین الیوم نے اپنی رپورٹ میں لکھا کہ عراقی عوام نے اپنے ملین مارچ کے دوران ملک سے امریکی فوجیوں کے انخلاء کا مطالبہ کیا اور فلسطین کی حمایت میں بھی نعرے لگائے۔

فلسطینی میڈیا نے لکھا کہ عراق کے آج کے ملین مارچ میں قابل توجہ نکتہ یہ ہے کہ عراقیوں نے امریکا اور اسرائیل کی غاصب حکومتوں کے خلاف نعرے لگائے اور ساتھ ہی فلسطین اور مسجد الاقصی کی حمایت میں بھی زوردار نعرے بازی کی۔

فلسطین الیوم اپنی ویب سایٹ پر لکھا کہ عراقی عوام غاصب امریکا اوراسرائیل کے حملوں کے نشانے پر ہیں اور وہ عرب حکومتوں کی سازش کا شکار ہیں۔

واضح رہے کہ جمعے کے روز عراق کے تمام چھوٹے بڑے شہروں میں امریکا کے خلاف ملین مارچ نکالا گیا۔ غاصب امریکی فوجیوں کے خلاف ہونے والے عراقی عوام کے ملین مارچ میں مختلف بینروں اور پوسٹروں  کے ساتھ عراق کے تمام طبقے اور مکتب فکر کے افراد موجود تھے۔

بہت سے پوسٹروں اور بینروں پر انگریزی میں "گو آؤٹ امریکا”  لکھا ہوا تھا اور امریکی فوجیوں اور صدر ٹرمپ کو براہ راست مخاطب کرتے ہوئے عراق سے امریکی فوج  کے فوری انخلاء کا مطالبہ کیا گیا تھا- بعض پوسٹروں اور بینروں پر امریکی صدر ٹرمپ کی ذلت آمیز تصویریں بنی ہوئی تھی۔ بعض پوسٹروں پر دہشت گرد گروہ داعش کے سرغنہ کی بھی تصویریں چھپی ہوئی تھیں اور ان پر امریکیوں کو مخاطب کرتے ہوئے لکھا ہوا ہے کہ : داعش کو تم نے جنم دیا ہے۔ بہت سے مظاہرین کفن پوش تھے اور ان کے ہاتھوں میں عراق کا پرچم اور ایسے بینر اور پلے کارڈز ہیں جن پر ٹرمپ اور امریکی حکومت سے نفرت کا اظہار کیا گیا تھا۔

کرونا وائرس نے امریکا کو بھی لپیٹ میں لے لیا

یہ بھی پڑھیں

ہمسایہ ممالک کے ساتھ سرحدوں کی بندش عارضی ہے: ایرانی وزارت خارجہ

ہمسایہ ممالک کے ساتھ سرحدوں کی بندش عارضی ہے: ایرانی وزارت خارجہ

ایران کی وزارت خارجہ کے ترجمان نے کہا ہے کہ ہمسایہ ممالک کے ساتھ ایران …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے