اداکار محسن عباس نے بچے کے اخراجات دینے سے انکار کردیا

اداکار محسن عباس نے بچے کے اخراجات دینے سے انکار کردیا

 لاہور: 

اداکار و میزبان محسن عباس نے اہلیہ کی جانب سے بچے کے اخراجات کے حصول کے لیے دائر مقدمے میں بے روزگاری اور پیسے نہ ہونے کی وجہ سے بچے کی کفالت سے انکار کر دیا۔

فاطمہ سہیل نے بچے کے اخراجات کے حصول کے لیے سابق شوہر محسن عباس کے خلاف فیملی کورٹ میں مقدمہ دائر کیا تھا۔ اداکار محسن عباس نے عدالت میں جمع کرائے گئے جواب میں موقف اختیار کیا ہے کہ وہ کافی عرصے سے بے روزگار ہیں اور اب ان کے پاس اتنے بھی پیسے نہیں کہ وہ بچے کی کفالت کے لیے رقم دے سکیں۔

اداکار محسن عباس نے مزید کہا کہ اس سے پہلے جب تک میرے پاس پیسے تھے تو میں اہلیہ اور بچے کے اخراجات کے لیے پیسے دیتا آیا ہوں لیکن اب میرے مالی حالات اس بات کی اجازت نہیں دیتے۔

فیملی کورٹ کی جج ماریہ حسن نے محسن عباس کا موقف جاننے کے بعد اگلی سماعت کے لیے 27 جنوری کی تاریخ طے کردی ہے جس کے لیے فریقین کے وکلا کو سمن جاری کردیئے گئے۔

واضح رہے کہ فاطمہ سہیل نے گزشتہ برس اپنے شوہر پر تشدد اور بے وفائی کا الزام لگایا تھا جس کے بعد فاطمہ سہیل نے خلع کے لیے مقدمہ دائر کیا تھا اور عدالت نے دونوں کے درمیان علیحدگی کی ڈگری جاری کردی تھی جس کے بعد فاطمہ سہیل نے سابق شوہر سے بچے کے اخراجات لینے کے لیے مقدمہ دائر کیا ہوا ہے۔

 

’’میرے پاس تم ہو‘‘ کی آخری قسط نشر ہونے سے روکنے کی درخواست مسترد

یہ بھی پڑھیں

میڈونا نے اپنی زندگی پر بننے والی فلم خود ہی لکھنے اور خود ہی اس کی ہدایات دینے کا اعلان

میڈونا نے اپنی زندگی پر بننے والی فلم خود ہی لکھنے اور خود ہی اس کی ہدایات دینے کا اعلان

امریکا: بین الاقوامی میڈیا رپورٹ کے مطابق یونیورسل پکچرز نے میڈونا کی زندگی پر مبنی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے