یمن میں ملٹری کیمپ کی مسجد پر میزائل حملے، 70 فوجی جاں بحق

یمن میں ملٹری کیمپ کی مسجد پر میزائل حملے، 70 فوجی جاں بحق

صنعاء: یمن میں ملٹری کیمپ پر میزائل حملے میں اموات کی تعداد بڑھ کر 70 ہو گئی ہے جب کہ 50 سے زائد زخمی ہیں۔

بین الاقوامی میڈیا رپورٹس کے مطابق یمن کے صوبے مارب میں قائم ملٹری ٹریننگ کیمپ کی مسجد پر اس وقت میزائل داغے گئے جب بڑی تعداد میں فوجی نماز ادا کر رہے تھے۔

تاحال حملے کی زمہ داری کسی نے قبول نہیں کی تاہم سعودی عرب کے سرکاری ٹی وی کا کہنا ہے کہ حوثی باغیوں نے حکومتی افواج کو نشانہ بنایا ہے جو کہ سعودی اتحاد کی حمایت یافتہ ہیں۔

خبر رساں ادارے کا کہنا ہےکہ دارالحکومت صنعاء سے 170 کلو میٹر دور واقعے ملٹری کیمپ پر حملے میں ہلاکتوں کی تعداد بڑھ کر 70 ہوگئی ہے اور 50 سے زائد زخمی ہیں جن میں بعض کی حالت تشویشناک ہے جس سے اموات کی تعداد میں اضافے کا خدشہ ہے۔

بین الاقوامی سطح پر تسلیم شدہ یمن کی حکومت نے حملے کو بزدلانہ اور دہشتگردانہ قرار دیتے ہوئے واقعے کی سخت مزمت کی ہے۔

واضح رہے کہ حوثی باغیوں نے 2014 میں حکومت کا تختہ الٹنے کی کوشش کی تھی جس کے ردعمل میں سعودی عرب اور اس کے اتحادیوں نے 2015 میں باغیوں کے خلاف حملے شروع کیے تھے۔

 

شہریت ترمیمی قانون پر بنگلا دیش کی بھی بھارت پر شدید تنقید

یہ بھی پڑھیں

انسٹاگرام نے بیلا حدید کی فلسطین سے متعلق پوسٹ ہٹانے پر معذرت

انسٹاگرام نے بیلا حدید کی فلسطین سے متعلق پوسٹ ہٹانے پر معذرت

امریکا: سپر ماڈل نے اپنی اسٹوری میں انسٹاگرام کی جانب سے پوسٹ ہٹائے جانے کے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے