اقرا عزیز کا نیا کردار؛ 50 کروڑ کیلیے سب کو چھوڑنے کیلیے تیار

اقرا عزیز کا نیا کردار؛ 50 کروڑ کیلیے سب کو چھوڑنے کیلیے تیار

کراچی: 

اداکارہ اقرا عزیز نے ڈراما سیریل ’ جھوٹی‘ میں اپنے منفی کردار سے متعلق راز کھول دیا۔

ایک ویب سائٹ کو دیئے گئے انٹرویو کے مطابق اقرا عزیز نے اپنے نئے ڈرامے ’جھوٹی‘ کے کردار سے متعلق کہا کہ نمرا کا کردار بہت منفرد ہے کیوں کہ ہر کوئی تو جھوٹ بولتا ہے لیکن یہ لڑکی اس طرح کی ہے کہ جو مسلسل جھوٹ بولتی ہے، لڑتی ہے بحث کرتی ہے اور ڈھیٹ بن کر سامنے کھڑی بھی رہتی ہے۔ حتیٰ کہ اتنی خود غرض ہے کہ اپنی خواہشات کو پورا کرنے کے لئے کچھ بھی کر گزرتی ہے۔

اقرا عزیز نے یہ بھی کہا کہ اس ڈرامے کی کہانی ’میرے پاس تم ہو‘ سے خاصی مختلف ہے لیکن یہ بات بھی سچ ہے کہ میں اس ڈرامے میں ایسی لڑکی کا کردار ادا کر رہی ہوں جو 50 کروڑ روپے کے خاطر سب کچھ چھوڑ دینے کو تیار ہو جاتی ہے۔ یہ تاثر غلط ہے کہ یہ کردار میرے پاس تم ہو کے کردار سے مماثلت رکھتا ہے۔ کیوں کہ وہ ڈرامہ رومانوی ہے لیکن میرے اس کردار میں محبت اور رشتوں کا دور تک واسطہ نہیں۔

واضح رہے کہ ڈرامہ ’ جھوٹی‘ میں اقرار عزیز غریب گھرانے کی بیٹی کا کردار ادا کر رہی ہیں جس کے والد پرچون کا کام کرتے ہیں اور پرچون والے سے ہی شادی کروانا چاہتے ہیں۔

یہ بھی پڑھیں

مومو کیلئے موٹا چشمہ مانگا، اندازہ نہیں تھا 10 سال یہی پہننا پڑے گا، حنا دلپزیر

مومو کیلئے موٹا چشمہ مانگا، اندازہ نہیں تھا 10 سال یہی پہننا پڑے گا، حنا دلپزیر

کراچی : اداکارہ حنا دلپزیر عرف مومو نے انکشاف کیا ہے کہ بلبلے میں مومو …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے