افغان صوبے غزنی میں دھماکا، بچوں سمیت 10 افراد ہلاک

افغان صوبے غزنی میں دھماکا، بچوں سمیت 10 افراد ہلاک

کابل: افغانستان کے صوبے غزنی میں بم دھماکے کے نتیجے میں بچوں سمیت 10 افراد ہلاک اور 6 زخمی ہوگئے۔

غیرملکی خبررساں ادارے کے مطابق افغانستان کے صوبے غزنی میں دائکنڈی سے آنے والی مسافر بس کو سڑک کنارے نصب ریموٹ کنٹرول بم سے اڑا دیا گیا جس کے نتیجے میں بچوں سمیت 10 افراد ہلاک اور 6 زخمی ہوگئے۔

گورنرغزنی کے ترجمان عارف نوری کا کہنا ہے کہ دھماکے میں 10 افراد ہلاک ہوئے ہیں جن میں خواتین اور بچے بھی شامل ہیں۔

رپورٹ کے مطابق ریسکیو اداروں نے امدادی کارروائیوں کا آغاز کرتے ہوئے ہلاک اور زخمی ہونے والوں کو قریبی اسپتال منتقل کیا جہاں زخمیوں کو طبی امداد کی فراہمی جاری ہے۔

افغان حکام کی جانب سے دھماکے کی ذمہ داری طالبان پر عائد کی گئی ہے تاہم طالبان کی جانب سے تاحال حملے کی ذمہ داری قبول نہیں کی گئی ہے۔

واضح رہے کہ 19 نومبر کو افغانستان کے دارالحکومت کابل میں ملٹری کے تربیتی مرکز پر خودکش دھماکا ہوا تھا جس کے نتیجے میں 5 فوجی زخمی ہوگئے تھے۔

یاد رہے کہ 2 نومبر کو افغانستان کے دو صوبوں میں بم دھماکے ہوئے تھے جس کے نتیجے میں 9 بچوں سمیت 13 افراد جاں بحق جبکہ متعدد زخمی ہوگئے تھے۔

ثانیہ مرزا کی بہن اظہر الدین کے بیٹے سے رشتہ ازدواج میں منسلک

یہ بھی پڑھیں

اسرائیل اور بحرین کے درمیان باقاعدہ طور پر سفارتی تعلقات قائم کر لیے گئے

اسرائیل اور بحرین کے درمیان باقاعدہ طور پر سفارتی تعلقات قائم کر لیے گئے

بحرین : گذشتہ کئی دہائیوں سے بیشتر عرب ممالک نے اسرائیل کا بائیکاٹ کر رکھا …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے