وراٹ کوہلی نے سچن کا ریکارڈ برابر کر دیا

انڈیا کی کرکٹ ٹیم نے اتوار کی شب انگلینڈ کے خلاف پہلا ون ڈے میچ تین وکٹوں سے جیت کر تین میچوں کی سیریز میں ایک صفر کی برتری حاصل کر لی ہے۔

اس جیت کے ساتھ ساتھ کپتان وراٹ کوہلی نے انڈیا کے لیجنڈ سچن تنڈولکر کا ایک اور ریکارڈ بھی برابر کر دیا ہے۔

ہدف کے تعاقب میں سب سے زیادہ سنچریاں سکور کرنے کا ریکارڈ سچن تندولکر کے نام تھا لیکن پونے میں کھیلے گئے اس میچ میں کوہلی نے اپنی 17 ویں سنچری سکور کر کے یہ ریکارڈ برابر کر دیا ہے۔

اتنا ہی نہیں وراٹ کی زیادہ تر سنچریوں کی بدولت انڈیا کو جیت ملی ہے۔ کوہلی نے کُل 27 سنچریاں سکور کی ہیں جن میں سے 23 بار ٹیم کو فتح ملی ہے۔

انڈیا نے مہاراشٹر کے شہر پونے میں ٹاس جیت کر انگلینڈ کو پہلے بیٹنگ کی دعوت دی تو انگلینڈ کی ٹیم نے 350 رنز بنا ڈالے۔

انگلینڈ کی جانب سے جو روٹ نے سب سے زیادہ 78 رنز بنائے۔

جواب میں انڈیا نے 350 یا اس سے زیادہ رنز کے ہدف کو تیسری بار کامیابی کے ساتھ حاصل کر لیا۔ انڈیا نے اس سے قبل سنہ 2013 میں آسٹریلیا کے خلاف 360 اور 351 رنز کے ہدف کے تعاقب میں کامیابی حاصل کی تھی۔

یہ ایک مشکل ہدف تھا اور جواب میں انڈیا کی اننگز ابتدا میں ہی لڑکھڑاتی نظر آئی۔

لیکن ون ڈے کے لیے نامزد نئے کپتال وراٹ کوہلی اور نوجوان کھلاڑی کیدار جادھو کی سنچری کی بدولت انڈیا نے دلچسپ مقابلے کے بعد جیت حاصل کی۔

ایک وقت پر 63 کے مجموعی سکور پر انڈیا کی چار اہم وکٹیں گر چکی تھیں کے ایل راہل، شکھر دھون، یوراج سنگھ اور مہندر سنگھ دھونی پویلین لوٹ چکے تھے اور شکست کے آثار نمایاں تھے۔

کپتان وراٹ کوہلی نے 105 گیندوں میں 122 رنز بنائے جبکہ کیدار جادھو نے بھی سنچری سکور اور 120 رنز بنا کر آؤٹ ہوئے۔

انڈیا اور انگلینڈ کے درمیان تین ایک روزہ میچوں کی سیریز کا دوسرا میچ 19 جنوری کو ہوگا۔

یہ بھی پڑھیں

شعیب ملک اور ثانیہ مرزا میں اختلافات کی خبریں دم توڑ گئیں

شعیب ملک اور ثانیہ مرزا میں اختلافات کی خبریں دم توڑ گئیں

ساؤتھمپٹن:  شعیب ملک اور ثانیہ مرزا میں اختلافات کی خبریں دم توڑ گئیں، بھارتی ٹینس …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے