عمران خان کو عدالت سے باہر عدالت لگانے کی عادت ہے: لیگی رہنما

اسلام آباد : ن لیگی رہنما مریم اورنگزیب نے کہا ہے کہ عدالتیں ثبوتوں کی بنیاد پر فیصلے دیتی ہیں، عمران خان کو عدالت سے باہر عدالت لگانے کی عادت ہے۔ دانیال عزیز نے کہا نعیم بخاری نے انکشاف کیا کہ میں تو اسٹپنی وکیل ہوں، اصل وکیل تو حامد خان تھے۔ طلال چوہدری کا کہنا ہے کہ عمران خان سے ثبوت مانگیں تو وہ جلسوں پر آجاتے ہیں۔

تفصیلات کے مطابق پاناما لیکس کیس کی سماعت کے بعد سپریم کورٹ کے باہر میڈیا سے گفتگو میں مریم اورنگزیب کا کہنا تھا کہ پاناما پاناما کی رٹ لگانےوالے اب کہتے ہیں پاناما کو بھول جاﺅ۔ عمران صا حب آپ بے شک پاناما کو بھول جائیں لیکن ہم نہیں بھولنے دیں گے۔

طلال چوہدری کا کہنا ہے کہ پاناما کیس جوں جوں آگے بڑھ رہا ہے عمران کا چہرہ لٹکتا جا رہا ہے۔ وزیر مملکت انوشہ رحمان نے کہا کہ عمران خان کی ہٹ دھرمی اور جہالت عوام اور عدالت کا وقت ضائع کر رہی ہے۔ مائزہ حمید کہتی ہیں کہ عمران خان روز عدالت کے باہر تھیٹر لگاتے ہیں۔ وہ عوام کو تو بے وقوف بنا سکتے ہیں عدالت کو نہیں۔

مسلم لیگ ن کے رہنماﺅں کا یہ بھی کہنا تھا کہ تحریک انصاف جھوٹے الزامات کو سچ بنا کر پیش کرنا چاہتے ہیں۔ ان کے صرف جھوٹ ہیں ثبوت نہیں۔

یہ بھی پڑھیں

عالمی بینک نے کووڈ-19 سےنمٹنے کیلئے 50 کروڑ ڈالر قرض کی منظوری

عالمی بینک نے کووڈ-19 سےنمٹنے کیلئے 50 کروڑ ڈالر قرض کی منظوری

اسلام آباد: عالمی بینک کی جانب سے یہ قرض فوری جاری کردیا جائے گا اور …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے