فٹبال

عالمی شہرت یافتہ فٹبالرز کے کراچی میں جلوے

کراچی: عالمی شہرت یافتہ فٹبال کھلاڑیوں نے شہرقائد میں اپنے جلوے بکھیرے، اسٹار فٹبالرز میں برازیل کے کاکا، پرتگال کے لوئس فیگو، اسپین کے کارلوس پیول اور فرانس کے نکولس انیلکا شامل ہیں۔

تفصیلات کے مطابق انٹرنیشنل فٹبالرز نے کراچی کے نجی مال میں فینز سے ملاقاتیں کیں، اور نمائشی میچ میں کھلاڑیوں نے اپنی صلاحیتوں کے جوہر دکھائے، مداح اپنے من پسند کھلاڑیوں کو دیکھ کر خوشی سے پھولے نہ سمائے۔

فٹبال کے ستارے شہرقائد میں چمکتے رہے، پرتگال کے سابق کپتان فیگو ہوں یا پھر برازیلین فٹبالر کاکا سب نے مل کر خوب رنگ جمایا، اینلکا اور پیول نے بھی مقامی شاپنگ مال میں عوام کے دل جیت لیے۔

دریں اثنا انٹرنیشنل فٹبالرز، پاکستانی کپتان صدام حسین کی ٹیم ورلڈ ساکر اسٹارز اور کراچی ایف سی کے درمیان دلچسپ مقابلہ ہوا۔ سکس اے سائیڈ میچ میں فٹبال اسٹارز کو غیر معروف فٹبالز نے ٹف ٹائم دیا۔

منتظین نے کہا کہ نمائشی میچ کا مقصد ہار جیت کا فیصلہ نہیں بلکہ پاکستان میں فٹبال کے کھیل کو ایک نئی پہچان دینا ہے۔

کھلاڑیوں نے پاکستان میں مہمان نوازی پر شکریہ ادا کیا اور عوام میں محبتیں بانٹی۔ اس موقع پر کاکا نے کہا کہ پاکستان ٹیم کی کوچنگ کا موقع ملا تو ضرورکروں گا۔ جبکہ انیلکا کا کہنا تھا کہ پاکستانی نوجوان فٹبال کیلیےبہت محبت رکھتے ہیں۔

خیال رہے کہ انٹرنیشنل فٹ بالرز کی پاکستان آمد کا مقصد ملک میں فٹ بال کے کھیل کا فروغ ہے، اس سے قبل بھی عالمی شہرت یافتہ فٹ بالرز پاکستان کے دورے پر آ چکے ہیں۔

بوئینگ 737 میکس کی پرواز پر پابندی برقرار

یہ بھی پڑھیں

آسٹریلیا میں‌ موجود فاسٹ بولرنسیم شاہ والدہ کے جنازے میں‌ شرکت نہ کرسکے

آسٹریلیا میں‌ موجود فاسٹ بولرنسیم شاہ والدہ کے جنازے میں‌ شرکت نہ کرسکے

لاہور: قومی کرکٹ ٹیم کے فاسٹ بولر نسیم شاہ کی والدہ گزشتہ رات انتقال کرگئیں۔ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے