پاکستان کے محمد آصف ورلڈ اسنوکر چیمپئن شپ کے فائنل میں پہنچ گئے

پاکستان کے محمد آصف ورلڈ اسنوکر چیمپئن شپ کے فائنل میں پہنچ گئے

پاکستان کے محمد آصف آئی بی ایس ایف ورلڈ اسنوکر چیمپئن شپ کے فائنل میں پہنچ گئے ۔

سیمی فائنل میں محمد آصف نے تھائی لینڈ کے کرتسانوت کو آؤٹ کلاس کرتے ہوئے 0-7سے کامیابی حاصل کی

ترکی کے شہر انتالیہ میں جاری عالمی اسنوکر چیمپئن شپ میں پاکستان کے محمد آصف نے گروپ میں تمام میچز جیتے، پھر راؤنڈ آف سکسٹی فور ، راؤنڈ آف تھرٹی ٹو اور پھر پری کوارٹر فائنل جیتا ۔

جمعہ کو بھی محمد آصف بھرپور فارم میں دکھائی دیے اور پہلے کوارٹر فائنل میں انہوں نے تھائی لینڈ کے تھاناوات تیراپونگ پائیبون کو 4-6سے شکست دی ۔ اس کے بعد سیمی فائنل میں انہوں نے تھائی لینڈ ہی کے کرتسانوت لارتستایاتھورن کو آوٹ کلاس کردیا ۔

سیمی فائنل میں پاکستان نمبر ون محمد آصف نے اپنے حریف کو ایک فریم بھی نہ جیتنے دیا اور ار بیسٹ آف تھرٹین کا معرکہ 0-7سے اپنے نام کرکے فائنل کیلئے کوالیفائی کرلیا ۔

اس سے قبل پاکستان کے محمد سجاد نے 2012میں بھی آئی بی ایس ایف ورلڈ اسنوکر چیمپئن شپ کا ٹائٹل اپنے نام کیا تھا جب کہ 2014میں محمد سجاد نے فائنل کیلئے کوالیفائی کیا تھا لیکن وہ ٹائٹل نہیں جیت سکے تھے۔

اب محمد آصف کے پاس دوسری مرتبہ یہ اعزاز اپنے نام کرنے کا بہترین موقع ہے۔ محمد آصف 2017 اور 2013 میں ورلڈ ٹیم چیمپئن شپ جیتنے والے ٹیم میں بھی شریک تھے جب کہ 2013میں انہوں نے ایشین سکس ریڈ چیمپئن شپ کا اعزاز بھی اپنے نام کیا تھا ۔

گزشتہ برس آصف نے بابر مسیح کے ساتھ ایشین ٹیم چیمپئن شپ بھی جیتی تھی۔

امریکی دھمکیاں مسترد؛ ایران نے یورینیئم افزودگی کا عمل بحال کر دیا

یہ بھی پڑھیں

آسٹریلیا میں‌ موجود فاسٹ بولرنسیم شاہ والدہ کے جنازے میں‌ شرکت نہ کرسکے

آسٹریلیا میں‌ موجود فاسٹ بولرنسیم شاہ والدہ کے جنازے میں‌ شرکت نہ کرسکے

لاہور: قومی کرکٹ ٹیم کے فاسٹ بولر نسیم شاہ کی والدہ گزشتہ رات انتقال کرگئیں۔ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے