ورلڈاسنوکر چیمپئن شپ: آصف کی عمدہ کارکردگی جاری، کوارٹر فائنل میں پہنچ گئے

پاکستان کے ٹاپ کیوئسٹ محمد آصف انٹرنیشنل بلیئرڈز اینڈ اسنوکر (آئی بی ایس ایف) ورلڈ اسنوکر چیمپئن شپ کے کوارٹر فائنل میں پہنچ گئے، پری کوارٹر فائنل میں محمد آصف نے دو سنچری بریکس کھیلتے ہوئے آسٹریلیا کے جیمز مفسڈ کو 1-5 سے مات دے دی۔

ترکی کے شہر انتالیہ میں جاری آئی بی ایس ایف ورلڈ اسنوکر چیمپئن شپ میں پاکستان کے محمد آصف کی شاندار کارکردگی کا سلسلہ جاری ہے۔

آصف علی نے جمعرات کو ناک آؤٹ مرحلے کے دو میچز جیت کر کوارٹر فائنل میں جگہ بنائی۔ پاکستان نمبر ون کیوئسٹ نے راؤنڈ آف 16 کے میچ میں آسٹریلیا کے جیمز مفسڈ کو آؤٹ کلاس کردیا۔

آسٹریلین کیوئسٹ کیخلاف محمد آصف شروع ہی سے چھائے رہے۔ انہوں نے تیسرے اور چوتھے فریم میں سنچری بریک کھیلتے ہوئے 1-5 سے فتح اپنے نام کی اور ٹاپ آٹھ کھلاڑیوں میں جگہ بنالی۔ وہ ورلڈ ٹائٹل سے تین میچز دور ہیں۔

آصف نے پہلا فریم جیتا لیکن دوسرے فریم میں وہ ایک بھی بال پوٹ نہ کرسکے اور ان کے حریف نے 91 کے بریک کے ساتھ فریم اپنے نام کیا لیکن اس کے بعد محمد آصف نے جیمز کو کوئی موقع نہیں دیا اور مسلسل چار فریمز جیت کر کوارٹر فائنل میں جگہ پکی کرلی۔

ٹوئٹر کے سابق ملازمین پر سعودی عرب کے لیے جاسوسی کا الزام

یہ بھی پڑھیں

ورلڈ اسنوکر چیمپئن محمد آصف کا وطن واپسی پر شاندار استقبال

ورلڈ اسنوکر چیمپئن محمد آصف کا وطن واپسی پر شاندار استقبال

آئی بی ایس ایف ورلڈ اسنوکر چیمپئن شپ کا ٹائٹل جیتنے والے پاکستانی ٹاپ کیوئسٹ محمد …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے