اسٹاروارز کی شہزادی ’لیاہ‘ انتقال کرگئیں

کیری فشر برطانوی ٹی وی ڈرامے ‘کیٹس ٹراف’ کے تیسرے سیزن کی عکس بندی سے فراغت کے بعد جمعے کو لندن سے لاس اینجلس آرہی تھیں جب دورانِ پرواز انہیں دل کا دورہ پڑا تھا۔

انہیں جہاز میں ابتدائی طبی امداد کے بعد لاس اینجلس کے رونالڈ ریگن میڈیکل سینٹر منتقل کیا گیا تھا جہاں چار روز تک زیرِ علاج رہنے کے بعد منگل کی صبح ان کا انتقال ہوگیا۔

کیری فشر کے انتقال کا اعلان ان کی صاحبزادی نے منگل کو ایک بیان میں کیا جس کے بعد ان کے پرستاروں اور ساتھی فن کاروں کی جانب سے سوشل میڈیا پر تعزیتی پیغامات کا سلسلہ شروع ہوگیا۔

کیری فشر اداکارہ ڈیبی رینالڈز اور گلوکار ایڈی فشر کی صاحبزادی تھیں جنہیں ’اسٹار وارز‘ سیریز میں پرنسز لیاہ کے کردار کے باعث شہرت ملی۔ انہوں نے چار دہائیوں سے زائد عرصے تک ہالی ووڈ کی درجنوں فلموں میں معاون اداکارہ کے طور پر کام کیا جب کہ کئی کتابیں بھی تحریر کیں۔

یہ بھی پڑھیں

میوزک کمپوزر خیام کا ممبئی میں 92 برس کی عمر میں انتقال ہوگیا

میوزک کمپوزر خیام کا ممبئی میں 92 برس کی عمر میں انتقال ہوگیا

نئی دہلی: ان کا اصل نام محمد ظہور خیام ہاشمی تھا، تاہم میوزک کی دنیا …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے