شمعون عباسی کی ’درج‘ اور فلم ’کاف کنگنا‘ میں ٹکراؤ

شمعون عباسی کی ’درج‘ اور فلم ’کاف کنگنا‘ میں ٹکراؤ

کراچی: 

پاکستان میں نمائش کی اجازت کے بعد شمعون عباسی کی فلم ’درج‘ اب 25 اکتوبر کو سینما گھروں کی زینت بنے گی۔

پاکستان سنسر بورڈ نے آدم خور بھائیوں کی غیر انسانی کارروائی پر مشتمل ہدایت کار و اداکار شمعون عباسی کی فلم ’دُرج‘ کے چند متنازع سین کاٹنے کے بعد پاکستان بھر میں ریلیز کی اجازت دی تھی تاہم یہ فلم پہلے 18 اکتوبر کو ریلیز ہونا تھی تاہم فلم کی تاریخ بدل دی گئی ہے اور اب یہ فلم 25 اکتوبر کو سینما گھروں کی زینت بنے گی۔

دوسری جانب ہدایت کار خلیل الرحمان قمر کی فلم ’’کاف کنگنا‘‘ بھی 25 اکتوبر کو ہی ریلیز ہوگی، یوں ان دونوں فلموں میں ٹکراؤ کے سبب ان فلموں کا بزنس متاثر ہوسکتا ہے۔

قبل ازیں پنجاب اور سندھ کے سنسر بورڈز کے ساتھ ساتھ مرکزی سنسر بورڈ نے بھی فلم ’درج‘ کے چند مناظر پر اعتراضات اُٹھاتے ہوئے پاکستان میں نمائش پر پابندی لگادی تھی۔

واضح رہے کہ شمعون عباسی کی فلم ’دُرج‘ کی کہانی پاکستان کے علاقے بھکر سے پکڑے گئے دو آدم خور بھائیوں کے گرد گھومتی ہے جو قبر سے مردہ لاشیں نکال کر ان کا گوشت پکا کر کھا جاتے تھے اور آخر میں پاکستان میں ’آدم خوری‘ سے متعلق قوانین نہ ہونے کے باعث انہیں صرف 2 سال کی سزا دی گئی تھی۔

معروف گلوکار سجاد علی کی دوران سفر گنگنانے کی ویڈیو وائرل

یہ بھی پڑھیں

بولی وڈ اداکارہ کے ساتھی اداکاروں پر سنگین الزامات

بولی وڈ: شوبز انڈسٹری میں میرا جنسی استحصال کیا جاتا رہا اور صرف آئٹم سانگ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے