کراچی میں ایک ماہ طویل خصوصی صفائی مہم کا آج سے آغاز ہورہا ہے

کراچی میں ایک ماہ طویل خصوصی صفائی مہم کا آج سے آغاز ہورہا ہے

کراچی: سندھ حکومت کی جانب سے کراچی میں ایک ماہ طویل خصوصی صفائی مہم کا آج سے آغاز ہورہا ہے،مہم میں وزیراعلی سندھ اورصوبائی وزراحصہ لیں گے، مہم کے دوران کراچی کے تمام اضلاع میں کچرا اٹھایا جائے گا

مہم میں محکمہ بلدیات کے 6 ہزار ملازمین حصہ لیں گے، مہم کے لیے6 اضلاع کے ڈپٹی کمشنرز کو پانچ کروڑ روپے کے فنڈزاور مشینری فراہم کر دی گئی ہے ، مہم میں کچرا اٹھانے کے لیے600 ڈمپرز کی مدد لی جائے گی۔
صفائی مہم کیلئے سالڈویسٹ اور ڈی ایم سیزملازمین کی چھٹیاں منسوخ کر دی گئی ہیں، جس کا نوٹی فیکیشن بھی جاری کردیا گیا ہے۔
وزیر اعلٰی سندھ صفائی مہم کی خود نگرانی کریں گے ، مراد علی شاہ نے کچرے کےہرڈمپرکی تصویراور ویڈیو بنانے اور سڑک پرکچراپھینکےوالوں کے خلاف سخت کارروائی کی ہدایت کردی ہے۔
میئر کراچی وسیم اختر وزیراعلیٰ سندھ کا ساتھ دینے کیلئے پُرعزم ہے اور کےایم سی کو بھی ساتھ دینے کا مشورہ دیتے ہوئے کہا ساتھ دیں تاکہ اپنے شہرکو صاف کرسکیں۔
گذشتہ روز وزیراعلیٰ سندھ کی زیرصدارت شہر کی صفائی سے متعلق اجلاس ہوا تھا ، جس میں مراد علی شاہ نے پوری صفائی کا کام دستاویزی طریقے سے کرنے کا حکم دیتے ہوئے ہدایت کی کچرے کے ہر ڈمپر کی تصویر بنائیں، پھر صفائی کا فوٹو اور ویڈیو بنائیں اور جیسے ہی صفائی مکمل ہو کچرا کنڈیاں بھی بنائی جائیں ۔
وزیراعلیٰ سندھ نے فیصلہ کیا تھا کہ ہر ضلع کی صفائی مانیٹرنگ 2 وزرا کے حوالے کی جائے گی اور کمشنر کو ہدایت کی کہ سڑک پر کچرا پھینکنے والوں کیخلاف کارروائی کی جائے، صفائی مہم کیلئے پولیس، رینجرز کو سیکیورٹی کیلئے درخواست کروں گا۔

یہ بھی پڑھیں

ہم آئین کے برعکس کوئی کام نہیں ہونے دیں گے

ہم آئین کے برعکس کوئی کام نہیں ہونے دیں گے

کراچی: وزیراعلیٰ سندھ سید مراد علی شاہ کا کہنا تھا کہ شہر کی صفائی جاری …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے