امریکا نے افغانستان میں کسانوں پر بمباری کا اعتراف کرلیا

امریکا نے افغانستان میں کسانوں پر بمباری کا اعتراف کرلیا

واشنگٹن: امریکا نے افغانستان میں کسانوں پر بمباری کا اعتراف کرلیا، ڈرون حملے میں 30 کسان جاں بحق اور 40 زخمی ہوئے تھے۔

غیرملکی خبررساں ادارے کی رپورٹ کے مطابق امریکا نے افغانستان میں کسانوں پر بمباری کا اعتراف کیا ہے، ترجمان امریکی فوج کا کہنا ہے کہ ننگرہار میں غلطی سے عام کسانوں پر ڈرون سے بمباری کی گئی۔

ترجمان امریکی فوج کے مطابق غلطی سے کسانوں کو داعش کا گروہ سمجھ لیا گیا تھا، بمباری کے واقعے کی مزید تحقیقات جاری ہیں۔

واضح رہے کہ گزشتہ روز مشرقی صوبے ننگرہار کے وزیر تنگی کے علاقے میں امریکی ڈرون حملے میں 30 کسان ہلاک جبکہ 40 زخمی ہوگئے تھے۔

پولیس اور مقامی حکام کا کہنا تھا کہ حملہ بدھ کی شب اس وقت کیا گیا جب کسان ایک فارم ہاؤس میں گری دار میوہ جمع کرکے آرام کررہے تھے۔

یاد رہے کہ ماضی میں افغانستان میں امریکی اور نیٹو افواج کی جانب سے ڈرون حملوں میں کئی عام شہری جاں بحق اور زخمی ہوچکے ہیں۔

افغانستان میں نیٹو افواج، طالبان اور داعش کے مسلح افراد ایک دوسرے کو حملوں کا نشانہ بناتے رہتے ہیں اور اس دوران عام بے گناہ شہری ان حملوں کا نشانہ بنتے ہیں۔

خیال رہے کہ گزشتہ روز افغان صوبے زابل میں واقع نیشنل ڈائریکٹوریٹ آف سیکیورٹی (این ڈی ایس) کی عمارت کے قریب خود کش حملہ آور نے بارود سے بھراٹرک دھماکے سے اڑا دیا تھا جس کے نتیجے میں10 افراد ہلاک جبکہ 85 سے زخمی ہوئے تھے۔

سفید بالوں سے نجات پانے کے آسان نسخے

یہ بھی پڑھیں

شمال ترکی اور امریکا سے دی جانے والی کھوکھلی دھمکیوں میں نہیں آئیں گے

شمال ترکی اور امریکا سے دی جانے والی کھوکھلی دھمکیوں میں نہیں آئیں گے

دمشق: شام کے صدر بشار الاسد نے سرکاری ٹیلی وژن پر اپنے خطاب میں ادلب …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے