2018 میں ملک پر کوئی شریف کہلانے والا راج نہیں کرے گا، بلاول بھٹو

لاہور: پاکستان پیپلزپارٹی کے چیرمین بلاول بھٹو زرداری نے کہا ہے کہ 2018 میں میاں صاحب جیل، سعودی عرب یا پتا نہیں کہاں ہوں گے لیکن 2018 میں اس ملک پر کوئی شریف کہلانے والا راج نہیں کرے گا۔

لاہور میں پییلزپارٹی کے یوم تاسیس کی تقریبات کی آخری دن کی تقریب سے خطاب کرتے ہوئے بلاول بھٹو زرداری نے پیپلز پارٹی کے 6 ماہ کے شیڈول کا اعلان کیا۔ انہوں نے کہا کہ تین ماہ گونوازگواور تین ماہ الیکشن مہم چلائیں گے جب کہ ہمارے 4 مطالبات نہ مانے گئے تو27 دسمبرکولانگ مارچ میں دما دم مست قلندرہوگا جس کے بعد 2018 میں میاں صاحب جیل، سعودی عرب یا پتا نہیں کہاں ہوں گے لیکن 2018 میں اس ملک پر کوئی شریف کہلانے والا راج نہیں کرے گا۔

بلاول بھٹو زرداری نے حکومت کو آڑے ہاتھوں لیتے ہوئے کہا کہ کسان بدحال، انڈسٹری اور فیکٹریوں کو تالے لگ رہے ہیں، آپ نے لوڈشیڈنگ پرالیکشن لڑا وہ توختم نہیں کی، بجلی کی قیمت دُگنی کردی ہے اوراسٹیل سے میٹرو بنانے کے شوقین خاندان نےاپنی حکومت میں نہ اسکولوں کوچھت دی نہ استاد۔ انہوں نے کہا کہ رائیونڈ کی خارجہ پالیسی نے دنیا میں ہمیں تنہا کردیا ہے، شریفو یہ تمہاری آخری باری ہے، جیالوں نے شوباز، ناکام شریفوں کو بتا دیا کہ پی پی ابھی زندہ ہےاب ہم 2018 میں نوازشریف کو خدا حافظ کہہ دیں گے۔

یہ بھی پڑھیں

مسیحی قبرستان, میں قبروں, پر نصب صلیب توڑے گئےہیں

مسیحی قبرستان میں قبروں پر نصب صلیب توڑے گئےہیں

اوکاڑہ: سینٹ اینتھونی چرچ کے پادری فادر جیمز نے بتایا کہ ’اس قبرستان میں 20 …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے