آرمی چیف سے چینی فوج کے کمانڈر کی ملاقات، سلامتی امور پر تبادلہ خیال

اسلام آباد: چین کی پیپلزلبریشن آرمی کے کمانڈر جنرل زاؤ زونگ نے جی ایچ کیو میں آرمی چیف جنرل قمر جاوید باجوہ سے ملاقات کی جس میں علاقائی سلامتی کی صورتحال اور باہمی دلچسپی کے امور پر تبادلہ خیال کیا گیا۔

پاک فوج کے شعبہ تعلقات عامہ (آئی ایس پی آر) کے مطابق چین کی پیپلزلبریشن آرمی کے کمانڈر جنرل زاؤ زونگ نے جی ایچ کیو کا دورہ کیا جہاں انہوں نے آرمی چیف جنرل قمر جاوید باجوہ سے ملاقات کی۔ ملاقات کے دوران چینی جنرل نے جنرل باجوہ کو پاک فوج کی کمان سنبھالنے پر مبارکباد دی اور علاقائی سلامتی کی صورتحال اور باہمی دلچسپی کے امور پر تبادلہ خیال کیا۔

جنرل زاؤ زونگ نے پاک فوج کی دہشت گردی کے خلاف کامیابیوں سمیت علاقائی امن و استحکام کے لیے کوششوں کی بھی تعریف کی جب کہ  آرمی چیف جنرل قمر جاوید باجوہ نے سی پیک کی سکیورٹی یقینی بنانے کا عزم دہرایا۔

ملاقات سے قبل جنرل زاؤ زونگ کو جی ایچ کیو آمد پر پاک فوج کے چاق و چوبند دستے نے سلامی دی جب کہ چینی جنرل نے پاک فوج کے شہداء کی یادگار پر حاضری دی اور پھول چڑھائے۔

یہ بھی پڑھیں

انتخابات, میں , کام یابی پر, نریندر مودی کو مبارک باد

انتخابات میں کام یابی پر نریندر مودی کو مبارک باد

اسلام آباد: وزیر اعظم عمران خان نے سماجی رابطے کی ویب سائٹ ٹویٹر پر مودی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے