پنڈی بھٹیاں میں شوہر کے ہاتھوں بیوی اور 4 سسرالی قتل

پنڈی بھٹیاں: گاؤں شوری مانیکا میں شوہر نے فائرنگ کر کے بیوی، ساس اور سسر سمیت 5 سسرالیوں کو قتل اور اپنی 2 بیٹیوں کو زخمی کردیا۔

 پنڈی بھٹیاں کے گاؤں شوری مانیکا میں منشاء نامی شخص گزشتہ رات اپنی روٹھی بیوی کو منانے سسرال پہنچا لیکن جب بیوی اس کے ساتھ جانے کے لئے نہ مانی تو اس نے مشتعل ہو کر اندھا دھند فائرنگ کردی۔ فائرنگ کے نتیجے میں منشا کی بیوی، ساس سسر اور 2 سالے موقع پر ہی جاں بحق جب کہ اس کی دو بیٹیاں سعدیہ اور کلثوم زخمی ہو گئیں۔ منشا نے اپنی بیوی اور سسرالیوں کو قتل کرنے کے بعد خود بھی خود کشی کر لی۔

فائرنگ کے واقعہ میں زخمی ہونے والی لڑکیوں کو طبی امداد کے لئے الائیڈ اسپتال فیصل آباد منتقل کر دیا گیا ہے جہاں ان کا علاج جاری ہے۔ دوسری جانب علاقہ مکینوں کا کہنا ہے کہ منشا ایک ماہ قبل ہی قتل کے جرم میں سزا کاٹ کر رہا ہوا تھا، اس کی بیوی روٹھ کر اپنے میکے چلی گئی تھی اور وہ واپسی کے لیے اسے دھمکیاں دیتا تھا۔

یہ بھی پڑھیں

بزرگ شہریوں کے لیے خصوصی پروگرام شروع کیے ہیں

بزرگ شہریوں کے لیے خصوصی پروگرام شروع کیے ہیں

لاہور: وزیر اعلیٰ کا کہنا تھا کہ بزرگوں کا احساس کرنا اور خیال رکھنا ہمارا …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے