صدر آزاد کشمیر کا بھارت کے خلاف سلامتی کونسل میں جانے کا اعلان

صدر آزاد کشمیر کا بھارت کے خلاف سلامتی کونسل میں جانے کا اعلان

مظفرآباد: صدر آزاد کشمیر سردار مسعود خان نے مقبوضہ کشمیر میں بھارتی اقدامات کے خلاف سلامتی کونسل میں جانے کا اعلان کردیا۔

اپنے ایک بیان میں آزاد کشمیر کے صدر سردار مسعود خان نے کہا ہے کہ مقبوضہ کشمیر کی خصوصی حیثیت کو ختم کرنے اور کشمیریوں پر انسانیت سوز مظالم نے جنوبی ایشیاء کو جنگ کے دہانے پر لا کھڑا کر دیا ہے۔

ان کا کہنا تھا کہ بھارتی اقدامات کے خلاف جلد اقوام متحدہ کی سلامتی کونسل سے رجوع کریں گے جس کی ذمہ داری ہے کہ وہ خطہ میں جنگ کے منڈلاتے خطرات کو ٹالنے اور امن و سلامتی کو یقینی بنانے کے لیے اپنا کردار ادا کرے۔

سردار مسعد خان نے کہا کہ مقبوضہ کشمیر میں جو کچھ ہو رہا ہے وہ بین الاقوامی برادری کی بے حسی کا نتیجہ ہے جس بے حسی نے بھارت کو بے گناہ انسانوں پر مظالم ڈہانے کے لیے حوصلہ دیا ہے۔

ان کا مزید کہنا تھا کہ بھارت کی ہندو انتہا پسند حکومت کی طرف سے مقبوضہ جموں و کشمیر میں مسلمانوں کی اکثریت کو اقلیت میں تبدیل کرنے اور مسلمانوں کی نسل کشی نہ صرف جنیوا کنونشن اور دوسرے بین الاقوامی قوانین کی کھلی خلاف ورزی ہے بلکہ یہ خود اقوام متحدہ کی سلامتی کونسل کی کشمیر سے متعلق قرار دادوں سے بھی مکمل ا نحراف ہے جس کا عالمی برادری کو سخت ترین نوٹس لینا چاہیے ۔

کراچی کے مختلف علاقوں میں بارش‘ موسم خوشگوار

یہ بھی پڑھیں

سابق صدر و وزیر اعظم آزاد کشمیر, سردار یعقوب, کو 814 ووٹس ,سے شکست

سابق صدر و وزیر اعظم آزاد کشمیر سردار یعقوب کو 814 ووٹس سے شکست

مظفرآباد: آزاد کشمیر کی قانون ساز اسمبلی کے حلقہ ایل اے-19 (پونچ 3) راولاکوٹ میں …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے