شیخ رشید کا سمجھوتہ ایکسپریس کے بعد تھر ایکسپریس بھی بند کرنےکااعلان

شیخ رشید کا سمجھوتہ ایکسپریس کے بعد تھر ایکسپریس بھی بند کرنےکااعلان

لاہور : وفاقی وزیر ریلوے شیخ رشید نے سمجھوتہ ایکسپریس کے بعد تھر ایکسپریس بھی بند کرنے کا اعلان کرتے ہوئے کہا جب تک میں وزیرہوں سمجھوتہ ایکسپریس اورتھرایکسپریس نہیں چلے گی ، جو کشمیریوں کا ساتھ نہیں دےگاوہ غدارکہلائےگا۔

تفصیلات کے مطابق وزیر ریلوے شیخ رشید نے پریس کانفرنس کرتے ہوئے کہا سیکیورٹی کونسل نےکشمیرسےمتعلق زبردست بیان دیا، سلامتی کونسل کی قراردادکامذاق اڑایاگیاہے، برصغیرکے دو ممالک آمنے سامنے کھڑے ہوگئے ہیں۔

شیخ رشید کا کہنا تھا کہ سمجھوتہ ایکسپریس کل بندکی تھی آج تھر ایکسپریس بھی بندکرنےکافیصلہ کیاہے، تھرایکسپریس میرپورخاص سے زیروپوائنٹ تک چلتی تھی، کھوکھراپارموناباؤ کے درمیان چلنے والی تھر ایکسپریس کو بند کردیاگیا ہے، اوڑی سےلیکرچکوڑی تک میں خود دورہ کروں گا۔

وزیر ریلوے نے کہا ہم جنگ نہیں چاہتے،جنگ قوموں کوپیچھےلےجاتی ہے، جوشخص کشمیریوں کاساتھ نہیں دےگاوہ غدارہے،اس کی سیاست کوعوام دفن کردیں گے، وزیرخارجہ چین میں ہیں ان کیساتھ ہمارےبہترین تعلقات ہیں۔

ان کا کہنا تھا کہ 133 کلومیٹر کا نیاٹریک مجھ سے پہلےڈالاگیا تھا، اس ٹریک کوبھی ہم تھرکول کے لئے استعمال کریں گے، تھرکول پرپی سی ون بنا رہے ہیں، تھرایکسپریس کوتھرکول پروجیکٹ کی جانب لے جائیں گے۔

شیخ رشید نے کہا اس سے پہلے جتنے بھی ترقیاتی کام ہوئے خوش آئند ہیں، ایم ایل ون 1800 کلومیٹر کا نیا ٹریک معاشی زندگی بدل دےگا، 24 یا 25 تاریخ کو قوم کے سامنے پاکستان ریلوے پیش ہوگی، ایم ایل ون سے حادثات ختم ہوں گے اور لاہور سے کراچی 7گھنٹے کا سفر ہوگا، جس دن عمران خان یا آرمی چیف چاہیں گے ، پاکستان ریلوے اپنے پاؤں پر کھڑی ہوجائےگی۔

وزیر ریلوے کا کہنا تھا کہ جب تک میں وزیرہوں سمجھوتہ ایکسپریس اورتھرایکسپریس نہیں چلے گی، سمجھوتہ ایکسپریس بندکرنےکی اجازت وزیراعظم نےدی، وزیراعظم کی اجازت کےبغیرخودسےکیسےفیصلہ کرسکتاہوں۔

انھوں نے مزید کہا کہ کچھ لوگوں کودوسروں کی وزارتوں میں منہ مارنےکی عادت ہوتی ہے، ایسےلوگوں سےمتعلق وزیراعظم عمران خان سے بات کروں گا، گزشتہ سال کے مقابلے12ارب روپےکامنافع حاصل کیا، اللہ کو منظور ہوا تو تمام لیبرکالونیاں بنوائیں گے، تمام فنڈنگ چین کرے گا، موڈآف انویسٹمنٹ دیکھیں کیاہوتی ہے۔

شیخ رشید کا کہنا تھا کہ میں پاکستان کاسینئرترین پارلیمنٹیرین ہوں، میراکام نہیں لائیوشومیں فوادچوہدری پرگفتگوکروں ، چوہدری شوگر مل تمام شریف فیملی کوشوگر لگا دےگی، لال حویلی کالال چوک سرینگر سے خون کارشتہ ہے۔

وفاقی وزیر نے کہا کشمیری بہترین قوم ہیں انہیں ہلکانہ لیں، مودی نے اپنا کام کردیا، اب کشمیری اپنافیصلہ کرکےدکھائیں گے، کشمیری ایسا کام کرکے دکھائیں پوری دنیا ان کی تعریف کرےگی۔

 

یہ بھی پڑھیں

شیخ رشید نے کشمیریوں سے اظہار یکجہتی کے لیے جلسوں کا اعلان کردیا

شیخ رشید نے کشمیریوں سے اظہار یکجہتی کے لیے جلسوں کا اعلان کردیا

راولپنڈی: وزیر ریلوے شیخ رشید نے کشمیریوں سے اظہار یکجہتی کے لیے جلسوں کا اعلان …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے