اداکاردانش تیموراوراہلیہ عائزہ خان حج کی سعادت حاصل کریں گے

اداکاردانش تیموراوراہلیہ عائزہ خان حج کی سعادت حاصل کریں گے

کراچی: پاکستان شوبز انڈسٹری کے نامور اداکار دانش تیمور اور ان کی اہلیہ اداکارہ عائزہ خان رواں سال حج کی سعادت حاصل کریں گے۔

تفصیلات کے مطابق پاکستان سے حج کے سعادت حاصل کرنے کے لیے سعودی عرب جانے والوں میں اداکار دانش تیمور اور عائزہ خان بھی شامل ہیں، پاکستان سے اب تک 1 لاکھ سے زائد عازمینِ حج مکے جاچکے ہیں۔

اداکارہ عائزہ خان اور دانش تیمور کی پانچ برس قبل اگست میں شادی ہوئی تھی، ان کے دو بچے ہیں جس میں ایک بیٹا اور ایک بیٹی شامل ہے، دونوں نے شہرت کی بلندیوں پر شادی کی اور بہت خوش گوار زندگی بسر کررہے ہیں۔

دانش تیمور نے کئی فلموں میں لاجواب ایکٹنگ کی، ان کی مقبول فلم ’رانگ نمبر‘، ’مہرالنسا وی لب یو‘، ’وجود‘ اور ان دنوں سینما گھروں کی زینت بنے والی فلم ’صرف تم ہی ہو‘ شامل ہیں۔ جبکہ ان کی شریکِ حیات عائزہ خان نے ٹی وی ڈرامے ’پیارے افضل‘ سے شہرت حاصل کی۔ عائزہ کے مشہور ڈراموں میں تم کون پیا، کوئی چاند رکھ شامل ہیں۔

دانش تیمور کا کہنا ہے کہ رب العالمین کے حکم سے ہم حج کی سعادت حاصل کرنے جا رہے ہیں۔ اللہ تعالیٰ ہمارا حج قبول فرمائے۔ بہ حیثیت مسلمان ہماری سب سے بڑی خواہش مکمل ہونے جارہی ہے۔

رواں ماہ پندرہ جولائی کو اس جوڑے نے امریکا میں اپنی تین سالہ بیٹی حورین کی سالگرہ بھی منائی تھی جس کی تصاویر پر دونوں کے مداحوں نے ہزاروں کی تعداد میں نیک خواہشات کا اظہار کیا تھا۔

یاد رہے کہ اب تک پاکستان سے ایک لاکھ بیس ہزار عازمین حج سعودی عرب پہنچ چکے ہیں اور یہ سلسلہ ابھی جاری ہے ۔ عازمین حج دس ذوالحج کو فریضہ حج ادا کریں گے۔

تنقید کی وجہ سے اپنے ٹیلنٹ کو ضائع نہیں کر سکتی: اداکارہ زارا نور

یہ بھی پڑھیں

پاکستانی فلم انڈسٹری کے چاکلیٹی ہیرو وحید مراد کو مداحوں سے بچھڑے 37 برس ہوگئے

پاکستانی فلم انڈسٹری کے چاکلیٹی ہیرو وحید مراد کو مداحوں سے بچھڑے 37 برس ہوگئے

کراچی: اداکاری کی وجہ سے مداحوں کے دلوں میں اتر جانے والے وحید مراد نے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے